Фота з архіва
13 лістапада, Мінск /Кар. БЕЛТА/. Член грамадскага аб'яднання "Паўночна-Казахстанскі абласны беларускі культурны цэнтр Радзіма" (г.Петрапаўлаўск), харэограф дзіцячай харэаграфічнай групы "Радзiма" Аліна Ушакова на прэс-канферэнцыі падзялілася ўражаннямі ад творчай стажыроўкі кіраўнікоў замежных беларускіх непрафесійных (аматарскіх) калектываў мастацкай творчасці і кіраўнікоў грамадскіх арганізацый беларусаў замежжа, перадае карэспандэнт БЕЛТА.
"Наш беларускі цэнтр пры Асамблеі народа Казахстана існуе з 2003 года. Я працую ў ім ужо 17 гадоў і арганізую ўсё, што датычыцца нашых мерапрыемстваў з пункту гледжання харэаграфіі. Вельмі люблю беларускі народны танец за яркасць, маляўнічасць, жыццярадаснасць і пазітыў. Паколькі я выхадзец школ Савецкага Саюза, зразумела, калі я вучылася на харэографа, мы падрабязна вывучалі беларускі танец, але з цягам часу шмат што забываецца. Вядома, ёсць інтэрнэт і кнігі, па якіх можна ўспамінаць вучэбны матэрыял, але нішто не заменіць простыя чалавечыя стасункі і паглыбленне менавіта ў тую культуру, з якой ты працуеш", - сказала Аліна Ушакова.
"Я вельмі ўдзячна лёсу, што першы раз у Беларусі. Літаральна за некалькі дзён я атрымала цэлы багаж прафесійных ведаў. Для работы ў народна-сцэнічным танцы трэба ведаць фальклорную базу. Не ведаючы фальклору, прыкладнога мастацтва і музыкі, немагчыма працаваць у народна-сцэнічным танцы і тым больш у стылізацыі, таму ўсё, што датычыцца фальклору, для мяне асабліва важна", - дадала яна. Паводле яе слоў, удзельнікаў стажыроўкі цікавіць не толькі прафесійны бок паездкі. "Нам цікава жыццё беларусаў, чым яны дыхаюць, як працуюць і жывуць", - рэзюмавала Аліна Ушакова.
На гэты раз у творчай стажыроўцы прыехалі паўдзельнічаць 30 чалавек з Італіі, Казахстана, Эстоніі, Латвіі і Расіі. Яскрава прадстаўлены рэгіёны і гарады Расіі: Карэлія, Башкортастан, Прыморскі край, Яраслаўль, Самара, Іркуцк, Тальяці. Удзельнікі творчай стажыроўкі будуць знаходзіцца ў Беларусі да 16 лістапада. За гэты час яны прымуць удзел у мностве майстар-класаў, убачаць рэгіёны нашай краіны і акунуцца ў беларускую культуру.-0-
"Наш беларускі цэнтр пры Асамблеі народа Казахстана існуе з 2003 года. Я працую ў ім ужо 17 гадоў і арганізую ўсё, што датычыцца нашых мерапрыемстваў з пункту гледжання харэаграфіі. Вельмі люблю беларускі народны танец за яркасць, маляўнічасць, жыццярадаснасць і пазітыў. Паколькі я выхадзец школ Савецкага Саюза, зразумела, калі я вучылася на харэографа, мы падрабязна вывучалі беларускі танец, але з цягам часу шмат што забываецца. Вядома, ёсць інтэрнэт і кнігі, па якіх можна ўспамінаць вучэбны матэрыял, але нішто не заменіць простыя чалавечыя стасункі і паглыбленне менавіта ў тую культуру, з якой ты працуеш", - сказала Аліна Ушакова.
"Я вельмі ўдзячна лёсу, што першы раз у Беларусі. Літаральна за некалькі дзён я атрымала цэлы багаж прафесійных ведаў. Для работы ў народна-сцэнічным танцы трэба ведаць фальклорную базу. Не ведаючы фальклору, прыкладнога мастацтва і музыкі, немагчыма працаваць у народна-сцэнічным танцы і тым больш у стылізацыі, таму ўсё, што датычыцца фальклору, для мяне асабліва важна", - дадала яна. Паводле яе слоў, удзельнікаў стажыроўкі цікавіць не толькі прафесійны бок паездкі. "Нам цікава жыццё беларусаў, чым яны дыхаюць, як працуюць і жывуць", - рэзюмавала Аліна Ушакова.
На гэты раз у творчай стажыроўцы прыехалі паўдзельнічаць 30 чалавек з Італіі, Казахстана, Эстоніі, Латвіі і Расіі. Яскрава прадстаўлены рэгіёны і гарады Расіі: Карэлія, Башкортастан, Прыморскі край, Яраслаўль, Самара, Іркуцк, Тальяці. Удзельнікі творчай стажыроўкі будуць знаходзіцца ў Беларусі да 16 лістапада. За гэты час яны прымуць удзел у мностве майстар-класаў, убачаць рэгіёны нашай краіны і акунуцца ў беларускую культуру.-0-
Падпісвайцеся на нас у
