6 верасня, Мінск /Кар. БЕЛТА/. Удзельнікі першага міжнароднага конкурсу народных выканальніцкіх мастацтваў "Душа народная" падзяліліся чаканнямі і планамі, перадае карэспандэнт БЕЛТА.
Конкурс "Душа народная" праходзіць у рамках "Душэўнага фестывалю" ў Мінскім гарадскім палацы культуры. Так, 28 выканаўцаў спаборнічаюць у чатырох намінацыях: "Вакальная творчасць. Сола", "Вакальная творчасць. Ансамбль", "Інструментальная творчасць. Сола", "Інструментальная творчасць. Ансамбль".
У апошняй намінацыі сваё выступленне прадставіць народны ансамбль народнай музыкі і песні "Крынічанька" з горада Барань. Яго кіраўнік Вячаслаў Шпакоўскі расказаў, што запрашэнне на конкурс стала для іх прыемнай навіной. А гледачу сёння яны прадставяць "Беларускую польку". "У нас яна ідзе з танцамі і рознымі шумавымі інструментамі. Гэта лыжкі, трашчоткі, балалайка, баян, гармонік, скрыпка", - расказаў ён.
Паводле слоў кіраўніка, ансамбль выступае ўжо 37 гадоў. "Зразумела, выступаем з народнай музыкай. Мы ж беларусы, нам гэта падабаецца. І на гэтым конкурсе паказалі адзін з нашых любімых нумароў", - падзяліўся Вячаслаў Шпакоўскі.
Расказаў ён і пра чаканні ад конкурсу: "Хочам пазнаёміцца з іншымі калектывамі. Паглядзець на іх узровень. Мы правінцыяльны калектыў, у нас няма прафесійных музыкантаў. Таму асабліва цікава паглядзець, што прадставяць іншыя", - падкрэсліў кіраўнік ансамбля.
У адной намінацыі з імі будзе выступаць і народны ансамбль інструментальнай музыкі "Кросны" з Мінска. Сёння яны прадставяць "Беларускія напевы". Як расказаў удзельнік ансамбля Канстанцін Трамбіцкі, конкурс для іх - магчымасць чарговы раз паказаць сябе. "Вядома заўсёды хочацца выступаць. А асабліва цікава ад таго, што конкурс гэты праходзіць упершыню. Ёсць як знаёмыя ўжо асобы, так і новыя", - расказаў ён.
Удзельнік ансамбля таксама падзяліўся чаканнямі ад конкурсу. "Чакаем першае месца. Для гэтага будзем старацца", - падкрэсліў Канстанцін Трамбіцкі.
У катэгорыі вакальная творчасць прадстаўляе сябе народны вакальны ансамбль "Крыніца" з Фаніпаля. Яго кіраўніца Святлана Салодкая падзялілася, што сёння яны хацелі паказаць адметнасць, энергію і характар сапраўднай беларускай жанчыны. "У нас у ансамблі жанчыны рознага ўзросту. Самай старэйшай 87 гадоў. Нягледзячы на ўзрост, яна заўсёды прыходзіць на выступленні і трэніроўкі першая. Такой мы і хацелі паказаць беларускую жанчыну", - расказала яна.
Ансамбль прадставіў нумар з назвай "Базар вялікі". Кіраўнік падзялілася, што выбралі нумар, які часцей за ўсё дораць гледачам. "Мы сёння падорым нашу энергію. І хочам, каб яе па заслугах ацанілі", - адзначыла яна.
У катэгорыі салістаў прадставіць сябе студэнтка БДУКМ Хрысціна Максімовіч. Яна прызналася, што заўсёды выкарыстоўвае магчымасць выступіць, таму конкурс "Душа народная" не стаў выключэннем. "Я вельмі люблю выступаць і спяваць. Рыхтуючыся, мы з выкладчыкамі выбудавалі кампазіцыю нумара, прыдумалі яго сюжэт. І ў нас атрымалася проста цудоўная атмасфера", - расказала яна.
Салістка выканае песню "Закурыў, задыміў моцны-дробны дожджык". Яна падзялілася, што выбрала для сябе народны напрамак за неверагодную душэўнасць. "Гэта тое, што заўсёды ёсць і будзе. Частка нашай культуры, якую павінен у сабе несці кожны беларус", - адзначыла Хрысціна Максімовіч.
"Душэўны фестываль" праходзіць 6 і 7 верасня ў Мінску. Ён аб'ядноўвае ў сабе тры напрамкі музыкі: шансон, поп-фолк, музыку 90-х. Плануецца, што гэта падзея стане штогадовай.-0-
Конкурс "Душа народная" праходзіць у рамках "Душэўнага фестывалю" ў Мінскім гарадскім палацы культуры. Так, 28 выканаўцаў спаборнічаюць у чатырох намінацыях: "Вакальная творчасць. Сола", "Вакальная творчасць. Ансамбль", "Інструментальная творчасць. Сола", "Інструментальная творчасць. Ансамбль".
У апошняй намінацыі сваё выступленне прадставіць народны ансамбль народнай музыкі і песні "Крынічанька" з горада Барань. Яго кіраўнік Вячаслаў Шпакоўскі расказаў, што запрашэнне на конкурс стала для іх прыемнай навіной. А гледачу сёння яны прадставяць "Беларускую польку". "У нас яна ідзе з танцамі і рознымі шумавымі інструментамі. Гэта лыжкі, трашчоткі, балалайка, баян, гармонік, скрыпка", - расказаў ён.
Паводле слоў кіраўніка, ансамбль выступае ўжо 37 гадоў. "Зразумела, выступаем з народнай музыкай. Мы ж беларусы, нам гэта падабаецца. І на гэтым конкурсе паказалі адзін з нашых любімых нумароў", - падзяліўся Вячаслаў Шпакоўскі.
Расказаў ён і пра чаканні ад конкурсу: "Хочам пазнаёміцца з іншымі калектывамі. Паглядзець на іх узровень. Мы правінцыяльны калектыў, у нас няма прафесійных музыкантаў. Таму асабліва цікава паглядзець, што прадставяць іншыя", - падкрэсліў кіраўнік ансамбля.
У адной намінацыі з імі будзе выступаць і народны ансамбль інструментальнай музыкі "Кросны" з Мінска. Сёння яны прадставяць "Беларускія напевы". Як расказаў удзельнік ансамбля Канстанцін Трамбіцкі, конкурс для іх - магчымасць чарговы раз паказаць сябе. "Вядома заўсёды хочацца выступаць. А асабліва цікава ад таго, што конкурс гэты праходзіць упершыню. Ёсць як знаёмыя ўжо асобы, так і новыя", - расказаў ён.
Удзельнік ансамбля таксама падзяліўся чаканнямі ад конкурсу. "Чакаем першае месца. Для гэтага будзем старацца", - падкрэсліў Канстанцін Трамбіцкі.
У катэгорыі вакальная творчасць прадстаўляе сябе народны вакальны ансамбль "Крыніца" з Фаніпаля. Яго кіраўніца Святлана Салодкая падзялілася, што сёння яны хацелі паказаць адметнасць, энергію і характар сапраўднай беларускай жанчыны. "У нас у ансамблі жанчыны рознага ўзросту. Самай старэйшай 87 гадоў. Нягледзячы на ўзрост, яна заўсёды прыходзіць на выступленні і трэніроўкі першая. Такой мы і хацелі паказаць беларускую жанчыну", - расказала яна.
Ансамбль прадставіў нумар з назвай "Базар вялікі". Кіраўнік падзялілася, што выбралі нумар, які часцей за ўсё дораць гледачам. "Мы сёння падорым нашу энергію. І хочам, каб яе па заслугах ацанілі", - адзначыла яна.
У катэгорыі салістаў прадставіць сябе студэнтка БДУКМ Хрысціна Максімовіч. Яна прызналася, што заўсёды выкарыстоўвае магчымасць выступіць, таму конкурс "Душа народная" не стаў выключэннем. "Я вельмі люблю выступаць і спяваць. Рыхтуючыся, мы з выкладчыкамі выбудавалі кампазіцыю нумара, прыдумалі яго сюжэт. І ў нас атрымалася проста цудоўная атмасфера", - расказала яна.
Салістка выканае песню "Закурыў, задыміў моцны-дробны дожджык". Яна падзялілася, што выбрала для сябе народны напрамак за неверагодную душэўнасць. "Гэта тое, што заўсёды ёсць і будзе. Частка нашай культуры, якую павінен у сабе несці кожны беларус", - адзначыла Хрысціна Максімовіч.
"Душэўны фестываль" праходзіць 6 і 7 верасня ў Мінску. Ён аб'ядноўвае ў сабе тры напрамкі музыкі: шансон, поп-фолк, музыку 90-х. Плануецца, што гэта падзея стане штогадовай.-0-
Падпісвайцеся на нас у
