Сцяг Серада, 21 лютага 2024
Усе навіны
Усе навіны
Грамадства
17 лістапада 2019, 20:04

Участкі для галасавання на парламенцкіх выбарах закрыліся ў Беларусі

17 лістапада, Мінск /Кар. БЕЛТА/.У Беларусі завяршылася галасаванне на выбарах дэпутатаў Палаты прадстаўнікоў сёмага склікання, паведамляе БЕЛТА.

Участкі для галасавання закрыліся ў 20.00. Выбарчыя камісіі пачалі падлік галасоў.

Паводле даных ЦВК на 18.00, выбары адбыліся па 109 са 110 акруг. Яўка выбаршчыкаў склала 70,72 працэнта.

Усяго на выбарах быў сфарміраваны 5831 участак для галасавання, у тым ліку 46 замежных.

Выбары дэпутатаў Палаты прадстаўнікоў праводзяцца па аднамандатных выбарчых акругах. Для вызначэння вынікаў выкарыстоўваецца мажарытарная выбарчая сістэма адноснай большасці. Выбары прызнаюцца праведзенымі, калі ў галасаванні прынялі ўдзел больш як палавіна выбаршчыкаў акругі, уключаных у спісы. Выбраным лічыцца кандыдат, які атрымаў найбольшую колькасць галасоў.

На гэтых выбарах маглі прагаласаваць 6 880 605 грамадзян Беларусі-0-

Падпісвайцеся на нас у
Twitter
Топ-навіны
Свежыя навіны Беларусі