Мабільная версія
ДЗЯРЖОРГАНЫ

Апошнія навіны
Усе навіны

У "Зубраня" на аздараўленне прыедуць 150 дзяцей з Кітая

Грамадства 09.08.2018 | 16:21
Фота з архіва
Фота з архіва

9 жніўня, Мінск /Кар. БЕЛТА/. У Нацыянальны дзіцячы адукацыйна-аздараўленчы цэнтр "Зубраня" на аздараўленне прыедуць 150 дзяцей з Кітайскай Народнай Рэспублікі, паведамілі БЕЛТА ў цэнтры.

"З 12 па 27 жніўня ў Нацыянальным дзіцячым адукацыйна-аздараўленчым цэнтры будзе рэалізаваны праект "Беларусь-Кітай: насустрач адзін аднаму", пройдуць аздараўленне 150 дзяцей з Кітайскай Народнай Рэспублікі. Упершыню дзеці з Кітая прыязджалі ў НДЦ "Зубраня" па запрашэнні Прэзідэнта Беларусі ў жніўні 2015 года", - расказалі ў цэнтры.

Па назначэннях урача кітайскім дзецям штодзень будуць прапанаваны медыцынскія аздараўленчыя працэдуры (кіслародны кактэйль, хвойна-жамчужныя ванны, ароматэрапія, аэраіонатэрапія, апаратны масаж, бескантактны масаж), прагулкі, паветраныя і сонечныя ванны, наведванне сцежкі здароўя.

Акрамя таго, падрыхтавана культурная праграма: вечар беларуска-кітайскай дружбы, фестываль мастацтваў, квэсты, майстар-клас "Нацыянальны сувенір". Кітайскія хлопчыкі і дзяўчынкі стануць удзельнікамі праекта "Роўны навучае роўнага", дзе азнаёмяць са сваёй культурай беларускіх дзяцей. Шмат увагі будзе ўдзелена таксама заняткам фізкультурай: наведванне басейна, саўны, спартыўных пляцовак, катанне на лодках, катамаранах, катары, водным атракцыёне "Банан", скейтах, роліках, веласіпедах, гіраскутарах, сумесныя спартыўныя мерапрыемствы з беларускімі дзецьмі (таварыскія матчы, спартландыі).

Госці з Кітая змогуць азнаёміцца з выдатнымі мясцінамі Беларусі на экскурсіях "Замкі Беларусі" (Мірскі і Нясвіжскі замкі), "Нарачанскае кальцо", у час агляднай экскурсіі па Мінску. Акрамя таго, кітайская дэлегацыя наведае вучэбна-экскурсійны цэнтр старажытнай побытавай культуры беларусаў XIX стагоддзя "Хутар Неслуч".

З 2015 года ў НДЦ "Зубраня" летам працуе профільны атрад па вывучэнні кітайскай мовы, дзеці з якога прымуць удзел у сумесных мерапрыемствах.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Графік работы ўстаноў аховы здароўя ў снежаньскія выхадныя і святы У Беларусі зменены графік работы ўстаноў аховы здароўя ў выхадныя і святочныя дні ў снежні 2018 года.