ДЗЯРЖОРГАНЫДЗЯРЖОРГАНЫ
Флаг Нядзеля, 28 лістапада 2021
Мінск +1°C
Усе навіны
Усе навіны
Грамадства
11 жніўня 2020, 14:44

У выніку проціпраўных дзеянняў пацярпеў 21 супрацоўнік - МУС

Фота з архіва
Фота з архіва

11 жніўня, Мінск /Кар. БЕЛТА/. У выніку проціпраўных дзеянняў пацярпеў 21 супрацоўнік органаў унутраных спраў, паведамляе БЕЛТА са спасылкай на Telegram-канал афіцыйнага прадстаўніка МУС Вольгі Чамаданавай.

"Напаярэдадні, 10 жніўня, розныя інтэрнэт-рэсурсы размясцілі заклікі сабрацца ў гэты дзень у цэнтральнай частцы населеных пунктаў краіны для ўдзелу ў несанкцыянаваных мерапрыемствах. Міністэрствам унутраных спраў у межах кампетэнцыі прыняты неабходныя меры па ахове правапарадку і забеспячэнні грамадскай бяспекі. У ноч з 10 на 11 жніўня адзначаны ачаговыя зборы грамадзян у шэрагу гарадоў, найбольш масавыя - у Мінску, Брэсце, Магілёве і Наваполацку", - падкрэсліла Вольга Чамаданава.

Зафіксаваны факты адкрытага процістаяння органам правапарадку, шматлікія нападзенні на супрацоўнікаў міліцыі і пашкоджанні транспартных сродкаў. "У выніку проціпраўных дзеянняў пацярпеў 21 супрацоўнік органаў унутраных спраў і ваеннаслужачы ўнутраных войскаў, пяць з іх шпіталізаваны", - праінфармавала Вольга Чамаданава.

У Мінску групы грамадзян у час перамяшчэння запускалі дымавыя шашкі і бутэлькі з запальнай сумессю. "На дарогах сталіцы некаторыя вадзіцелі транспартных сродкаў наўмысна перашкаджалі руху, без прычыны спыняючыся і выкарыстоўваючы гукавы сігнал. Адзначаліся выпадкі блакіравання дарожнага руху спецыяльна ўзведзенымі перашкодамі", - адзначыла Вольга Чамаданава.

У Мінску і Наваполацку супрацоўнікі органаў унутраных спраў і ваеннаслужачыя ўнутраных войскаў былі вымушаны актыўна прымяняць спецсродкі для спынення проціпраўных дзеянняў.

Усяго па краіне затрыманы больш за дзве тысячы чалавек, у тым ліку за ўдзел у несанкцыянаваных масавых мерапрыемствах. Цяпер ажыццяўляецца прававая ацэнка іншых проціпраўных дзеянняў.

"Інфармацыю аб колькасці тых, хто звярнуўся ў лячэбныя ўстановы краіны, і шпіталізаваных дадаткова паведаміць Міністэрства аховы здароўя", - паведаміла Вольга Чамаданава.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі