Фота з архіва
4 ліпеня, Мінск /Кар. БЕЛТА/. У ВНУ Беларусі стартуюць унутраныя ўступныя іспыты для абітурыентаў-мэтавікоў, паведамляе БЕЛТА.
Адказны сакратар прыёмнай камісіі БДПУ Сяргей Падбярозка расказаў карэспандэнту БЕЛТА, што з 4 па 10 ліпеня абітурыенты, якія падалі дакументы на мэтавае навучанне, будуць здаваць унутраныя ўступныя іспыты па першым профільным прадмеце. "Так, 4 ліпеня мы для ўсіх абітурыентаў праводзім кансультацыі па прадметах. А здаваць у нас гэта катэгорыя паступаючых будзе біялогію, рускую літаратуру, беларускую літаратуру, матэматыку, сусветную гісторыю, фізічную культуру і спорт, творчасць (мастацтва). Першыя экзамены адбудуцца 5 ліпеня. На кансультацыі абітурыентам падрабязна раскажуць, як праходзіць сам экзамен, адкажуць на ўсе іх пытанні", - адзначыў ён.
Экзамены па фізічнай культуры і творчасці пройдуць у педагагічнай ВНУ ў практычнай форме, усе астатнія прадметы - у вуснай. "На вусных экзаменах абітурыентам трэба адказаць на два пытанні ў білеце. Усяго ў пераліку 100 пытанняў, яны распрацаваны Міністэрствам адукацыі. Па творчасці (малюнак) і фізічнай культуры свая праграма ўступных іспытаў. Напрыклад, па творчасці абітурыенты будуць выконваць малюнак з натуры - нацюрморт з 3-4 прадметаў. Будзе ацэньвацца агульная кампаноўка, лінейна-канструктыўная пабудова формы, светлавое мадэляванне формы, абагульненне формы. Гэты экзамен складаецца з чатырох этапаў, кожны з іх ацэньваецца асобна. Па фізічнай культуры абітурыентам неабходна будзе здаць шэсць нарматываў, за кожны таксама будзе выстаўлена адзнака. У момант усіх экзаменаў будзе весціся аўдыя- і відэафіксацыя, каб пазбегнуць непрыемных момантаў", - праінфармаваў Сяргей Падбярозка.
Адзнака на вусным экзамене аб'яўляецца абітурыенту адразу пасля іспытаў. "Экзаменацыйная камісія складаецца з настаўніка-прадметніка і нашага выкладчыка. На іспытах будзе ацэньвацца паўната і шырыня ведаў абітурыента. За кожны адказ кожным з членаў прадметна-экзаменацыйнай камісіі будзе выстаўлена свая адзнака. Паколькі два пытанні ў білеце, будуць выстаўлены чатыры адзнакі. Далей іх падсумуюць і выведуць сярэдняе значэнне. Гэта і будзе адзнакай за экзамен. Затым яе перавядуць у стабальнае значэнне. Для залічэння мэтавікоў мы будзем выкарыстоўваць сярэдні бал дакумента аб адукацыі і адзнаку за экзамен. Па творчасці і фізічнай культуры адзнакі будуць аб'яўлены не ў момант здачы, а не пазней за трое сутак пасля правядзення экзамену, каб усё праверыць і палічыць", - дадаў адказны сакратар.
Залічэнне абітурыентаў-мэтавікоў адбудзецца не пазней за 12 ліпеня. На 416 мэтавых месцаў у БДПУ пададзена прыкладна 485 заяў ад абітурыентаў.-0-
Адказны сакратар прыёмнай камісіі БДПУ Сяргей Падбярозка расказаў карэспандэнту БЕЛТА, што з 4 па 10 ліпеня абітурыенты, якія падалі дакументы на мэтавае навучанне, будуць здаваць унутраныя ўступныя іспыты па першым профільным прадмеце. "Так, 4 ліпеня мы для ўсіх абітурыентаў праводзім кансультацыі па прадметах. А здаваць у нас гэта катэгорыя паступаючых будзе біялогію, рускую літаратуру, беларускую літаратуру, матэматыку, сусветную гісторыю, фізічную культуру і спорт, творчасць (мастацтва). Першыя экзамены адбудуцца 5 ліпеня. На кансультацыі абітурыентам падрабязна раскажуць, як праходзіць сам экзамен, адкажуць на ўсе іх пытанні", - адзначыў ён.
Экзамены па фізічнай культуры і творчасці пройдуць у педагагічнай ВНУ ў практычнай форме, усе астатнія прадметы - у вуснай. "На вусных экзаменах абітурыентам трэба адказаць на два пытанні ў білеце. Усяго ў пераліку 100 пытанняў, яны распрацаваны Міністэрствам адукацыі. Па творчасці (малюнак) і фізічнай культуры свая праграма ўступных іспытаў. Напрыклад, па творчасці абітурыенты будуць выконваць малюнак з натуры - нацюрморт з 3-4 прадметаў. Будзе ацэньвацца агульная кампаноўка, лінейна-канструктыўная пабудова формы, светлавое мадэляванне формы, абагульненне формы. Гэты экзамен складаецца з чатырох этапаў, кожны з іх ацэньваецца асобна. Па фізічнай культуры абітурыентам неабходна будзе здаць шэсць нарматываў, за кожны таксама будзе выстаўлена адзнака. У момант усіх экзаменаў будзе весціся аўдыя- і відэафіксацыя, каб пазбегнуць непрыемных момантаў", - праінфармаваў Сяргей Падбярозка.
Адзнака на вусным экзамене аб'яўляецца абітурыенту адразу пасля іспытаў. "Экзаменацыйная камісія складаецца з настаўніка-прадметніка і нашага выкладчыка. На іспытах будзе ацэньвацца паўната і шырыня ведаў абітурыента. За кожны адказ кожным з членаў прадметна-экзаменацыйнай камісіі будзе выстаўлена свая адзнака. Паколькі два пытанні ў білеце, будуць выстаўлены чатыры адзнакі. Далей іх падсумуюць і выведуць сярэдняе значэнне. Гэта і будзе адзнакай за экзамен. Затым яе перавядуць у стабальнае значэнне. Для залічэння мэтавікоў мы будзем выкарыстоўваць сярэдні бал дакумента аб адукацыі і адзнаку за экзамен. Па творчасці і фізічнай культуры адзнакі будуць аб'яўлены не ў момант здачы, а не пазней за трое сутак пасля правядзення экзамену, каб усё праверыць і палічыць", - дадаў адказны сакратар.
Залічэнне абітурыентаў-мэтавікоў адбудзецца не пазней за 12 ліпеня. На 416 мэтавых месцаў у БДПУ пададзена прыкладна 485 заяў ад абітурыентаў.-0-
Падпісвайцеся на нас у
