ДЗЯРЖОРГАНЫДЗЯРЖОРГАНЫ
Флаг Пятніца, 21 студзеня 2022
Мінск -4°C
Усе навіны
Усе навіны
Грамадства
26 лістапада 2021, 17:04

У СНД падрыхтавалі праект канцэпцыі навукова-тэхнічнага супрацоўніцтва

Аляксандр Шумілін. Фота з архіва
Аляксандр Шумілін. Фота з архіва

26 лістапада, Мінск /Кар. БЕЛТА/. У СНД падрыхтавалі праект канцэпцыі навукова-тэхнічнага і тэхналагічнага супрацоўніцтва дзяржаў - удзельніц Садружнасці і план мерапрыемстваў па яе рэалізацыі. Аб гэтым паведаміў сёння на пасяджэнні Міждзяржаўнага савета па супрацоўніцтве ў навукова-тэхнічнай і інавацыйнай сферах старшыня Дзяржаўнага камітэта па навуцы і тэхналогіях Беларусі Аляксандр Шумілін, паведамілі карэспандэнту БЕЛТА ў прэс-службе ДКНТ.

Паводле яго слоў, дакумент з'яўляецца асновай для распрацоўкі і заключэння паміж дзяржавамі міжнародных дагавораў, а таксама міждзяржаўных праграм і праектаў. "Канцэпцыяй прадугледжваецца вырашэнне такіх задач, як развіццё і ўкараненне новых прарыўных тэхналогій у прыярытэтных напрамках навукова-тэхнічнай дзейнасці, а таксама стварэнне новых высокатэхналагічных прамысловых прадпрыемстваў па выпуску навукаёмістай і інавацыйнай прадукцыі", - расказаў Аляксандр Шумілін. Ён таксама адзначыў, што ў бліжэйшы час сістэма падрыхтоўкі высокакваліфікаваных навуковых і інжынерных кадраў зведае істотныя змяненні, у тым ліку для павышэння статусу вучоных і іх ролі ў грамадстве.

29-е пасяджэнне Міждзяржаўнага савета па супрацоўніцтве ў навукова-тэхнічнай і інавацыйнай сферах праходзіць у Мінску ў гібрыдным фармаце. У яго рабоце ўдзельнічаюць прадстаўнікі Арменіі, Беларусі, Казахстана, Кыргызстана, Малдовы, Расіі, Узбекістана, а таксама Выканаўчага камітэта СНД і Міжнароднай асацыяцыі акадэмій навук. У парадку дня пасяджэння восем пытанняў, у тым ліку аб стане спраў у навукова-тэхнічнай, тэхналагічнай і інавацыйнай сферах у дзяржавах - удзельніцах СНД за справаздачны перыяд, аб дзейнасці базавай арганізацыі СНД - Міжнароднага інавацыйнага цэнтра нанатэхналогій СНД.

Плануецца надзяліць групу кампаній "Кварта" (Казахстан) і кампанію Imagine Hub by Soft (Арменія) статусам цэнтраў камерцыялізацыі інавацый дзяржаў - удзельніц Міждзяржаўнай праграмы інавацыйнага супрацоўніцтва краін СНД на перыяд да 2030 года.

Міждзяржаўны савет па супрацоўніцтве ў навукова-тэхнічнай і інавацыйнай сферах створаны 20 лістапада 2009 года рашэннем Савета кіраўнікоў урадаў СНД. У яго функцыі ўваходзяць каардынацыя навукова-тэхнічнай і інавацыйнай палітыкі ў цэлым і яе асобных кампанентаў, фарміраванне ў дзяржавах фінансава-эканамічных механізмаў падтрымкі сумесных праграм і праектаў у гэтай сферы. МС НТІ з'яўляецца Наглядальным саветам Міждзяржаўнай праграмы інавацыйнага супрацоўніцтва дзяржаў - удзельніц СНД на перыяд да 2030 года. Членамі савета з'яўляюцца прадстаўнікі Арменіі, Беларусі, Казахстана, Кыргызстана, Малдовы, Расіі, Таджыкістана, Узбекістана, Украіны, а таксама Міжнароднай асацыяцыі акадэмій навук і Выканаўчага камітэта СНД. Старшынёй МС НТІ з'яўляецца старшыня ДКНТ Аляксандр Шумілін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі