Фота з архіва
1 ліпеня, Мінск /Кар. БЕЛТА/. У мінскіх школах у новым навучальным годзе будзе больш спартыўных класаў. Аб гэтым паведаміў начальнік галоўнага ўпраўлення спорту і турызму Мінгарвыканкама Максім Варапай на аператыўнай нарадзе ў Мінгарвыканкаме, перадае карэспандэнт БЕЛТА.
У сярэдняй школе нумар 59 плануецца навучаць спартсменаў па водным пола і сучасным пяцібор'і, у школах нумар 23 і нумар 93 - па гандболе. СДЮШАР па хакеі з шайбай імя Руслана Салея будзе курыраваць СШ нумар 21, а Мінская СДЮШАР па хакеі з шайбай БФСТ "Дынама" - СШ нумар 125. "Пытанне прапрацоўвалася з камітэтам па адукацыі Мінгарвыканкама і ўпраўленнямі па адукацыі раёнаў", - сказаў Максім Варапай.
У спартыўных класах маладыя людзі могуць сумяшчаць вучобу і спартыўную падрыхтоўку. У мінулым навучальным годзе ў іх займаліся больш за 2 тыс. чалавек. На базе СДЮШАР па боксе пачалі падрыхтоўку па скалалажанні, на базе цэнтра алімпійскага рэзерву "Атлет" сумесна з гарадскім упраўленнем МНС мяркуецца арганізаваць курс па напрамку "пажарны спорт".
Усяго ў сталіцы налічваецца 54 спецыялізаваныя вучэбна-спартыўныя ўстановы, спартыўную падрыхтоўку ў якіх вядуць па 54 алімпійскіх і неалімпійскіх відах спорту. Яе праходзяць больш за 23 тыс. спартсменаў. Усяго ва ўстановах працуюць больш за 1 тыс. трэнераў-выкладчыкаў. У гэтым годзе плануецца прыняць 54 маладых спецыялістаў, з якіх 16 атрымлівалі адукацыю на ўмовах мэтавай падрыхтоўкі.
Старшыня Мінгарвыканкама Уладзімір Кухараў звярнуў увагу, што ў горадзе выхоўваецца шмат перспектыўных маладых людзей да 16 гадоў, якія затым не пераходзяць у дарослы спорт. Такая сітуацыя патрабуе мер рэагавання.-0-
У сярэдняй школе нумар 59 плануецца навучаць спартсменаў па водным пола і сучасным пяцібор'і, у школах нумар 23 і нумар 93 - па гандболе. СДЮШАР па хакеі з шайбай імя Руслана Салея будзе курыраваць СШ нумар 21, а Мінская СДЮШАР па хакеі з шайбай БФСТ "Дынама" - СШ нумар 125. "Пытанне прапрацоўвалася з камітэтам па адукацыі Мінгарвыканкама і ўпраўленнямі па адукацыі раёнаў", - сказаў Максім Варапай.
У спартыўных класах маладыя людзі могуць сумяшчаць вучобу і спартыўную падрыхтоўку. У мінулым навучальным годзе ў іх займаліся больш за 2 тыс. чалавек. На базе СДЮШАР па боксе пачалі падрыхтоўку па скалалажанні, на базе цэнтра алімпійскага рэзерву "Атлет" сумесна з гарадскім упраўленнем МНС мяркуецца арганізаваць курс па напрамку "пажарны спорт".
Усяго ў сталіцы налічваецца 54 спецыялізаваныя вучэбна-спартыўныя ўстановы, спартыўную падрыхтоўку ў якіх вядуць па 54 алімпійскіх і неалімпійскіх відах спорту. Яе праходзяць больш за 23 тыс. спартсменаў. Усяго ва ўстановах працуюць больш за 1 тыс. трэнераў-выкладчыкаў. У гэтым годзе плануецца прыняць 54 маладых спецыялістаў, з якіх 16 атрымлівалі адукацыю на ўмовах мэтавай падрыхтоўкі.
Старшыня Мінгарвыканкама Уладзімір Кухараў звярнуў увагу, што ў горадзе выхоўваецца шмат перспектыўных маладых людзей да 16 гадоў, якія затым не пераходзяць у дарослы спорт. Такая сітуацыя патрабуе мер рэагавання.-0-
