У школах Беларусі працуюць больш за 103 тыс. настаўнікаў

4 кастрычніка, Мінск /Кар. БЕЛТА/. У школах Беларусі налічваецца больш за 103 тыс. настаўнікаў. Такая інфармацыя размешчана ў статыстычным аглядзе Нацыянальнага статыстычнага камітэта да Дня настаўніка, паведамляе БЕЛТА.

У беларускіх школах 1,09 млн дзяцей навучаюць 103,3 тыс. настаўнікаў. На аднаго настаўніка ў сярэднім прыпадае 11 вучняў.

З агульнай колькасці жанчын-педагогаў 98,3 працэнта выкладаюць рускую мову і літаратуру, 97,8 працэнта - беларускую мову і літаратуру, 95,7 працэнта - замежную мову, 92,4 працэнта - біялогію, 91,5 працэнта - хімію, 90,3 працэнта - музыку і спевы, 90,2 працэнта - выяўленчае мастацтва і чарчэнне. 58,1 працэнта настаўнікаў-мужчын навучаюць школьнікаў фізічнай культуры, 55,1 працэнта - дапрызыўнай і медыцынскай падрыхтоўцы, 39,2 працэнта - працоўнаму навучанню, 34,5 працэнта - фізіцы, 28 працэнтаў - гісторыі і іншым грамадскім дысцыплінам, 27,2 працэнта - інфарматыцы, 20,1 працэнта - геаграфіі.

У гарадах і пасёлках гарадскога тыпу працуюць 74 тыс. педагогаў, якія навучаюць 925,3 тыс. дзяцей. На аднаго настаўніка прыпадае 13 вучняў. У сельскіх населеных пунктах на 164,9 тыс. школьнікаў прыпадае 29,3 тыс. настаўнікаў.-0-