15 снежня, Гродна /Кар. БЕЛТА/. У пункце размяшчэння бежанцаў у ТЛЦ застаюцца больш за 800 чалавек, з іх 200 дзяцей. Аб гэтым паведаміла сёння журналістам старшыня Гродзенскай абласной арганізацыі Беларускага саюза жанчын Ірына Сцепаненка, перадае карэспандэнт БЕЛТА.
Сёння ідзе 38-ы дзень для бежанцаў недалёка ад беларуска-польскай граніцы. Яны забяспечаны ўсім неабходным. Прадаўжаюць работу з імі валанцёры Чырвонага Крыжа і БСЖ.
"Сітуацыя застаецца стабільнай. Наладжана арганізацыя гарачага харчавання, выдача неабходных рэчаў, усе службы і валанцёры працуюць зладжана", - сказала Ірына Сцепаненка. Дзяжураць кругласутачна ў ТЛЦ і медыкі. Па дапамогу за мінулыя суткі звярнуліся 14 бежанцаў.
Прадаўжае БСЖ апекаваць і жанчын з ліку бежанак, якія гэтымі днямі сталі мамамі. Яны разам з нованароджанымі знаходзяцца ў перынатальным цэнтры ў Гродне. "І самі мамы, і дзеткі адчуваюць сябе добра. Учора дастаўлялі ім дапамогу, сёння таксама прывязём прадуктовыя наборы і фрукты, якія вельмі патрэбны любой жанчыне пасля родаў", - адзначыла Ірына Сцепаненка.
Прадаўжае працаваць у ТЛЦ палявая лазня. Сёння ў ёй жаночы і дзіцячы дзень.-0-
