28 красавіка, Мінск /Кар. БЕЛТА/. У прэс-цэнтры БЕЛТА 30 красавіка будзе арганізаваны пункт падключэння па відэа-канферэнц-сувязі для СМІ з мэтай назірання за грамадскімі слуханнямі перад выдачай ліцэнзіі на эксплуатацыю першага энергаблока Беларускай АЭС.
Слуханні пройдуць з 14.00 да 19.00. Іх мэта - давесці да грамадскасці інфармацыю аб ходзе і выніках правядзення экспертызы бяспекі і ацэнкі адпаведнасці ДП "Беларуская АЭС" ліцэнзійным патрабаванням і ўмовам у працэсе падрыхтоўкі рашэння МНС аб выдачы ліцэнзіі на эксплуатацыю першага энергаблока.
З улікам эпідэміялагічнай сітуацыі грамадскія слуханні будуць праведзены ў гібрыдным фармаце з выкарыстаннем відэа-канферэнц-сувязі ў некалькіх актыўных пунктах падключэння (студыях). Галоўная студыя - шматфункцыянальны комплекс сацыяльна-культурнага прызначэння і творчасці моладзі ў Астраўцы.
Пункт падключэння ў прэс-цэнтры БЕЛТА будзе мець "неактыўны статус". Гэта азначае, што ўдзельнікі - прадстаўнікі СМІ - не змогуць умешвацца ў ход грамадскіх слуханняў, але будуць мець магчымасць назіраць за мерапрыемствам.
Акрэдытацыя СМІ - па тэлефонах (017) 350-44-47, (044) 583-84-04 (+Viber, Telegram), электроннай пошце: pressuser@belta.by. Электронныя заяўкі дзейнічаюць толькі пасля атрымання пацвярджэння прэс-цэнтра. Адрас прэс-цэнтра БЕЛТА: г. Мінск, вул. Энгельса, 30-303.-0-
