28 верасня, Віцебск /Кар. БЕЛТА/. У Наваполацку і Полацкім раёне на гэтым тыдні правядуць электронныя кірмашы вакансій, паведамляе карэспандэнт БЕЛТА.
Кірмашы пройдуць на сайце e-vacancy.by. У Наваполацку яго арганізуюць 28 верасня з 10.00 да 12.00. У ім заяўлены некалькі прадпрыемстваў: НТКУП "Трамвайны парк", ДП "Наваполацкая кіруючая кампанія", ААТ "Трэст нумар 16, г. Наваполацк", УП "Біямехзавод бытавых другасных рэсурсаў", гасцінічны комплекс "Наваполацк", філіял "Наваполацкжалезабетон" ААТ "Крычаўцэментнашыфер" і ААТ "СРБУ-3 г.Наваполацк". Арганізацыі прадастаўляюць больш за 50 вакансій.
У Полацкім раёне электронны кірмаш адбудзецца 30 верасня з 10.00 да 12.00. Саіскальнікі работы атрымаюць магчымасць задаць наймальніку хвалюючыя пытанні, атрымаць электронную кансультацыю, запрашэнне на гутарку ў рэжыме рэальнага часу. У мерапрыемстве плануе прыняць удзел гандлёвая сетка. Яна гатова працаўладкаваць сем чалавек.-0-
