16 лютага, Мінск /Кар. БЕЛТА/. Лабараторнае тэсціраванне на COVID-19 метадам ПЛР можна прайсці ў Нацыянальным аэрапорце Мінск, паведамілі БЕЛТА ў аддзеле па сувязях са СМІ аэрапорта.
Цяпер у лабараторыі на тэрыторыі Нацыянальнага аэрапорта Мінск усе жадаючыя змогуць прайсці тэсціраванне на COVID-19 метадам ПЛР. Для грамадзян Беларусі кошт аналізу складае Br39,8, для замежных грамадзян - Br57,58. Час выканання даследавання - 160 хвілін.
Лабараторыя будзе працаваць з панядзелка па пятніцу з 9.00 да 18.00, у суботу і нядзелю - з 6:30 да 14:00, а для пасажыраў, якія вылятаюць у Амстэрдам, - з 6.30 да 9.45 (уключаючы суботу і нядзелю).
У аэрапорце нагадалі, што ў лабараторыі па-ранейшаму выконваецца экспрэс-тэсціраванне на антыген да COVID-19 метадам імунахраматаграфічнага аналізу (ІХА). Кошт гэтага даследавання для беларусаў складае Br44,69, для замежных грамадзян - Br48,48.-0-
