Сцяг Серада, 24 красавіка 2024
Усе навіны
Усе навіны
Грамадства
03 красавіка 2024, 16:42

У МЖКГ растлумачылі, пры якіх абставінах у дамах будуць нанава ўключаць ацяпленне

3 красавіка, Мінск /Кар. БЕЛТА/. Намеснік начальніка ўпраўлення камунальнай гаспадаркі і энергетыкі - начальнік аддзела энергетыкі і надзвычайных сітуацый Міністэрства жыллёва-камунальнай гаспадаркі Аляксей Філановіч расказаў карэспандэнту БЕЛТА, пры якіх абставінах у дамах будуць нанава ўключаць ацяпленне.

Парадак пачатку ацяпляльнага сезона рэгламентаваны і выкладзены ў правілах падрыхтоўкі арганізацый да ацяпляльнага сезона, яго правядзення і завяршэння - гэта пастанова Савета Міністраў нумар 286. Рашэнні аб тэрмінах завяршэння ацяпляльнага сезона прымаюцца абласнымі, раённымі і гарадскімі выканаўчымі камітэтамі на падставе даных аб сярэднясутачных тэмпературах па абласцях, а таксама прагнозаў Белгідрамета. Яны могуць быць прыняты ў выпадку, калі сярэдняя тэмпература на працягу трох сутак знаходзіцца вышэй за 8-10 градусаў цяпла.

"Рашэнне аб паўторным уключэнні ацяплення таксама застаецца за мясцовымі органамі ўлады. Прынята яно можа быць, калі сярэднясутачная тэмпература на працягу трох сутак будзе трымацца на ўзроўні ніжэйшым за плюс 10 градусаў. Улічваецца і прагноз надвор'я. Калі на трое сутак устанаўліваецца тэмпература ніжэйшая за 10 градусаў, але зусім нядаўна было плюс 22, то не трэба даходзіць да абсурду", - адзначыў Аляксей Філановіч.

На яго думку, калі ў Беларусі будзе стабільна добрае надвор'е, то ацяпленне можа быць адключана да канца красавіка. "За мінулыя два дні мы ўжо атрымлівалі скаргі ад грамадзян аб тым, што ў кватэрах горача, таму што на вуліцы было вышэй за 20 градусаў цяпла і ацяпленне яшчэ не адключана. У людзей у кватэрах было 28-30 градусаў", - расказаў ён.-0-
Падпісвайцеся на нас у
Twitter
Топ-навіны
Свежыя навіны Беларусі