Сцяг Чацвер, 20 чэрвеня 2024
Усе навіны
Усе навіны
Грамадства
19 студзеня 2023, 18:34

У мінулым годзе для аспірантаў было выдзелена 70 стыпендый Прэзідэнта

19 студзеня, Мінск /Кар. БЕЛТА/. Як у Беларусі падтрымліваюць маладых вучоных расказаў у прэс-цэнтры БЕЛТА старшыня Савета маладых вучоных пры Міністэрстве адукацыі Беларусі Аляксей Ермакоў, перадае карэспандэнт БЕЛТА.

Гаворачы аб падтрымцы маладых вучоных у структурах Міністэрства адукацыі, Аляксей Ермакоў вылучыў некалькі асноўных напрамкаў.

"Па-першае, вядзецца работа па прыцягненні моладзі ў навуку. У большай ступені гэта работа сканцэнтравана на ўстановах сярэдняй, сярэдняй спецыяльнай і вышэйшай адукацыі. Для моладзі праводзяцца конкурсы і алімпіяды, у якіх можна сябе праявіць, паказаць, што ёсць творчы патэнцыял і жаданне займацца навукай. Па-другое, для аспірантаў, дактарантаў або тых, хто застаўся працаваць ва ўніверсітэтах, ёсць матэрыяльныя віды падтрымкі. Напрыклад, калі моладзь даволі актыўна праявіла сябе ў навуковай дзейнасці і ў яе ёсць пэўныя дасягненні, яна можа паўдзельнічаць у конкурсе для назначэння стыпендый Прэзідэнта Рэспублікі Беларусь. У 2022 годзе для аспірантаў было выдзелена 70 такіх стыпендый, з іх 38 - прадстаўнікі Міністэрства адукацыі", - расказаў старшыня Савета маладых вучоных пры Мінадукацыі.

Таксама ён дадаў, што ведамства робіць стаўку на падтрымку не толькі саміх вучоных, але яшчэ і выдзяляе сродкі для рэалізацыі іх навуковых праектаў.

"Мінадукацыі праводзіць асобны конкурс на вылучэнне грантаў для аспірантаў, дактарантаў і студэнтаў. У ходзе правядзення гэтага мерапрыемства ў 2022 годзе было падтрымана 118 праектаў, а агульная сума падтрымкі склала каля Br650 тыс.", - падкрэсліў Аляксей Ермакоў.

У кожнай вышэйшай навучальнай установе Беларусі функцыянуе Савет маладых вучоных. Як адзначыў старшыня Савета маладых вучоных пры Мінадукацыі, цяпер у краіне каля 6,5 тыс. маладых вучоных, якія працуюць у вышэйшых навучальных установах (да іх адносяцца аспіранты, дактаранты, а таксама прафесарска-выкладчыцкі склад і навуковыя супрацоўнікі да 35 гадоў). У Савет маладых вучоных пры Міністэрстве адукацыі ўваходзяць па адным прадстаўніку ад кожнага ўніверсітэта нашай краіны, на гэты момант іх 42 чалавекі.-0-

Падпісвайцеся на нас у
Twitter
Топ-навіны
Свежыя навіны Беларусі