24 лютага, Мінск /Кар. БЕЛТА/. У Мінску ў 2020 годзе плануюць увесці ў эксплуатацыю 18 шматкватэрных дамоў для маючых патрэбу ў паляпшэнні жыллёвых умоў. Аб гэтым паведаміла старшыня камітэта будаўніцтва і інвестыцый Мінгарвыканкама Ірына Гантарова сёння на планёрцы ў мэрыі, перадае карэспандэнт БЕЛТА.
"Для грамадзян, якія стаяць на ўліку для паляпшэння жыллёвых умоў, запланаваны ўвод у эксплуатацыю 18 жылых дамоў агульнай плошчай больш за 144 тыс. кв.м, у тым ліку 16 дамоў плошчай 133 тыс. кв.м - з дзяржаўнай падтрымкай", - сказала Ірына Гантарова.
Пры гэтым 541 кватэра агульнай плошчай 37,5 тыс. кв.м прадугледжана для мінчан, якія стаяць на ўліку маючых патрэбу па месцы ваеннай службы.
У прыватнасці, растлумачыла старшыня камітэта, для маючых патрэбу будуюць жылыя дамы ў мікрараёне Лошыца-8.2 агульнай плошчай 20,6 тыс. кв.м.
Усяго ў Мінску ў гэтым годзе неабходна пабудаваць 630 тыс. кв.м жылля. У першым паўгоддзі пастаўлена задача ўвесці не менш як 35 працэнтаў ад запланаванага, за 9 месяцаў - 65 працэнтаў.-0-