4 снежня, Мінск /Кар. БЕЛТА/. Сёння адбылося ўрачыстае гашэнне канверта з арыгінальнай маркай "Цэнтральная выбарчая камісія Рэспублікі Беларусь", перадае карэспандэнт БЕЛТА.
Дызайн праекта Алены Мядзведзь. Выпуск падрыхтаваны ў супрацоўніцтве з Цэнтральнай выбарчай камісіяй Рэспублікі Беларусь.
Цэнтральная выбарчая камісія Рэспублікі Беларусь з'яўляецца пастаянна дзеючым дзяржаўным органам, які ажыццяўляе арганізацыю і правядзенне выбараў. Створана 4 снежня 1989 года. За 35 гадоў свайго існавання арганізавала і правяла 4 рэспубліканскія рэферэндумы і 27 выбарчых кампаній рознага ўзроўню. Асаблівую ўвагу камісія ўдзяляе павышэнню прававой культуры грамадзян.
Паштовы праект складаецца з канверта з арыгінальнай маркай і спецыяльнага памятнага штэмпеля. Канверт выйшаў у абарачэнне 20 лістапада 2024 года. Тыраж склаў 10 тыс. экзэмпляраў.
На канверце адлюстраваны малюнкі пераможцаў і прызёраў рэспубліканскага конкурсу "Выбары вачамі дзяцей": "Зрабі свой выбар!", Вікторыя Юковіч (17 гадоў), "Сям'ёй на выбары", Дар'я Даніловіч (15 гадоў), "Мой тата і мама ўдзельнічаюць у выбарах", Ульяна Голубева (8 гадоў).
Цэнтральная выбарчая камісія Рэспублікі Беларусь падтрымлівае прафесійныя адносіны з выбарчымі органамі іншых краін. З моманту стварэння ў 2013 годзе Сусветнай асацыяцыі выбарчых органаў з'яўляецца яе членам, а з верасня 2024 года старшынствуе ў Кансультатыўным савеце кіраўнікоў выбарчых органаў дзяржаў - удзельніц Садружнасці Незалежных Дзяржаў.-0-
Фота Максіма Гучака
Падпісвайцеся на нас у
