Фото Pexels
10 чэрвеня, Мінск /Кар. БЕЛТА/. Што рабіць, калі знайшоў на сабе кляшча, расказалі ў Міністэрстве аховы здароўя, паведамляе БЕЛТА.
Лепш за ўсё пры выяўленні кляшча, які прысмактаўся, звярнуцца ў бліжэйшую арганізацыю аховы здароўя па медыцынскую дапамогу.
У ведамстве адзначылі, што можна выдаліць кляшча самастойна, аднак трэба выконваць пэўныя тэхнікі. Лепш за ўсё выкарыстоўваць спецыялізаваныя ўстройствы для выдалення кляшчоў прамысловай вытворчасці, згодна з інструкцыяй па іх прымяненні.
Можна скарыстацца ніцяной пятлёй. Моцную нітку завязаць у вузел як мага бліжэй да хабатка кляшча. Потым выцягнуць яго, падцягваючы ўверх пры дапамозе кругавых рухаў. Важна пазбягаць рэзкіх рухаў. Альбо можна выкарыстоўваць тонкі пінцэт. Звычайна за 1-3 абароты клешч выцягваецца цалкам разам з хабатком. "Важна кляшча дастаць са скуры цалкам, не расціснуўшы. Месца прысмоктвання апрацаваць любым спіртавым растворам", - падкрэслілі ў міністэрстве.
Пасля выдалення кляшча трэба звярнуцца ў паліклініку, амбулаторыю, ФАП. Урач-спецыяліст пры неабходнасці назначыць прафілактычнае лячэнне і ўстановіць медыцынскі нагляд.
Па жаданні можна правесці лабараторнае даследаванне выдаленага кляшча. Трэба размясціць яго ў чысты флакон з цесным коркам. Даследаванне кляшча не з'яўляецца абавязковым і праводзіцца на платнай аснове ў цэнтрах гігіены і эпідэміялогіі.
Але лепшая абарона - гэта прафілактыка. Таму пры наведванні лясных і паркавых зон рэкамендуецца насіць спецыяльнае адзенне, якое засцерагае ад прысмоктвання кляшчоў, або выкарыстоўваць штодзённае адзенне, якое максімальна закрывае адкрытыя ўчасткі цела. Таксама варта выкарыстоўваць адпужвальныя сродкі (рэпеленты), якія наносяцца на адзенне або скуру (згодна з інструкцыяй). Аднак неабходна пазбягаць іх пападання на слізістыя вачэй, носа, рота. Важна праводзіць агляды адзення і цела кожную гадзіну і пасля выхаду з лесу для выяўлення і зняцця кляшчоў.
Для змяншэння колькасці кляшчоў на тэрыторыі пражывання (дачы) выносіць ламачча, праводзіць высечку непатрэбных кустоў і скошванне травы, праводзіць дэратызацыю.
А казінае малако ўжываць толькі кіпячоным.-0-
Лепш за ўсё пры выяўленні кляшча, які прысмактаўся, звярнуцца ў бліжэйшую арганізацыю аховы здароўя па медыцынскую дапамогу.
У ведамстве адзначылі, што можна выдаліць кляшча самастойна, аднак трэба выконваць пэўныя тэхнікі. Лепш за ўсё выкарыстоўваць спецыялізаваныя ўстройствы для выдалення кляшчоў прамысловай вытворчасці, згодна з інструкцыяй па іх прымяненні.
Можна скарыстацца ніцяной пятлёй. Моцную нітку завязаць у вузел як мага бліжэй да хабатка кляшча. Потым выцягнуць яго, падцягваючы ўверх пры дапамозе кругавых рухаў. Важна пазбягаць рэзкіх рухаў. Альбо можна выкарыстоўваць тонкі пінцэт. Звычайна за 1-3 абароты клешч выцягваецца цалкам разам з хабатком. "Важна кляшча дастаць са скуры цалкам, не расціснуўшы. Месца прысмоктвання апрацаваць любым спіртавым растворам", - падкрэслілі ў міністэрстве.
Пасля выдалення кляшча трэба звярнуцца ў паліклініку, амбулаторыю, ФАП. Урач-спецыяліст пры неабходнасці назначыць прафілактычнае лячэнне і ўстановіць медыцынскі нагляд.
Па жаданні можна правесці лабараторнае даследаванне выдаленага кляшча. Трэба размясціць яго ў чысты флакон з цесным коркам. Даследаванне кляшча не з'яўляецца абавязковым і праводзіцца на платнай аснове ў цэнтрах гігіены і эпідэміялогіі.
Але лепшая абарона - гэта прафілактыка. Таму пры наведванні лясных і паркавых зон рэкамендуецца насіць спецыяльнае адзенне, якое засцерагае ад прысмоктвання кляшчоў, або выкарыстоўваць штодзённае адзенне, якое максімальна закрывае адкрытыя ўчасткі цела. Таксама варта выкарыстоўваць адпужвальныя сродкі (рэпеленты), якія наносяцца на адзенне або скуру (згодна з інструкцыяй). Аднак неабходна пазбягаць іх пападання на слізістыя вачэй, носа, рота. Важна праводзіць агляды адзення і цела кожную гадзіну і пасля выхаду з лесу для выяўлення і зняцця кляшчоў.
Для змяншэння колькасці кляшчоў на тэрыторыі пражывання (дачы) выносіць ламачча, праводзіць высечку непатрэбных кустоў і скошванне травы, праводзіць дэратызацыю.
А казінае малако ўжываць толькі кіпячоным.-0-
Падпісвайцеся на нас у
