Сцяг Субота, 13 красавіка 2024
Усе навіны
Усе навіны
Грамадства
09 лістапада 2021, 19:20

У Мінабароны Беларусі быў выкліканы ваенны аташэ Польшчы

9 лістапада, Мінск /Кар. БЕЛТА/. У Міністэрства абароны сёння быў выкліканы аташэ па пытаннях абароны, ваенны і ваенна-паветраны аташэ пры пасольстве Рэспублікі Польшча ў Беларусі палкоўнік Яраслаў Кемброўскі. Аб гэтым БЕЛТА паведамілі ў прэс-службе ведамства.

"Да польскага ваеннага прадстаўніка была даведзена інфармацыя адносна неабгрунтаваных і неправамерных абвінавачанняў польскага боку ў тым, што беларускія ваеннаслужачыя маюць дачыненне да міграцыйнага крызісу на польска-беларускай граніцы", - гаворыцца ў паведамленні.

Беларускі бок адзначыў, што для прад'яўлення такіх сур'ёзных прэтэнзій патрабуюцца важкія доказы, без якіх абвінавачанні расцэньваюцца ў якасці правакацыі ў адносінах да Узброеных Сіл нашай краіны.

Адказваючы за ваенны складнік забеспячэння бяспекі, Мінабароны занепакоена павелічэннем колькасці польскіх ваеннаслужачых каля нашых граніц, а таксама адсутнасцю аб'ектыўнай аргументацыі іх знаходжання.

"У гэтым кантэксце палкоўніку яшчэ раз было даведзена, што ў адпаведнасці з рэгіянальнымі мерамі даверу і бяспекі прадугледжваецца накіраванне паведамлення і запрашэння беларускіх наглядальнікаў за ваеннай дзейнасцю, у якой прымаюць удзел 6 тыс. і больш ваеннаслужачых", - адзначылі ў ведамстве.

Паводле афіцыйнай інфармацыі польскага боку, вечарам 8 лістапада каля польска-беларускай граніцы было размешчана больш за 12 тыс. ваеннаслужачых.

"Да гэтага моманту Мінск не атрымаў ад польскага боку ні паведамлення, ні запрашэння наглядальнікаў. Больш таго, не было нават намеру аб гатоўнасці абмеркаваць існуючыя заклапочанасці", - дадалі ў прэс-службе.

У ведамстве канстатавалі: Міністэрства нацыянальнай абароны Польшчы на гэты час не гатова да канструктыўнага дыялогу па ўзнікшых спрэчных пытаннях або не хоча дыялогу. Тым не менш Міністэрства абароны Беларусі ўсё яшчэ чакае ініцыятыўных прапаноў ад польскага боку.-0-

Падпісвайцеся на нас у
Twitter
Топ-навіны
Свежыя навіны Беларусі