29 верасня, Гомель /Кар. БЕЛТА/. У Гомельскай вобласці пражываюць 43 чалавекі, якім 100 і больш гадоў. Такую лічбу агучыла сёння журналістам начальнік упраўлення сацыяльнай падтрымкі насельніцтва камітэта па працы, занятасці і сацыяльнай абароне аблвыканкама Галіна Мароз, перадае карэспандэнт БЕЛТА.
Большасць з іх - 40 чалавек - жанчыны. Трое мужчын.
"Самай старэйшай жыхарцы рэгіёна ў гэтым годзе споўнілася 108 гадоў. Яна з Добрушскага раёна", - удакладніла Галіна Мароз.
Колькасць доўгажыхароў (90+) у рэгіёне перасягае 6 тыс. чалавек.
"Усяго ж у вобласці амаль 360 тыс. пенсіянераў, больш за 300 тыс. з іх - пенсіянеры 60+", - дадала начальнік упраўлення.-0-