3 студзеня, Мінск /Кар. БЕЛТА/. У YouTube-праекце БЕЛТА "Па факце: рашэнні Першага" кіраўніцтва і работнікі кандытарскай фабрыкі "Спартак" расказалі, як змяніўся рабочы працэс на прадпрыемстве пасля яго мадэрнізацыі.
"З 2013 года ўдзяляецца вельмі шмат увагі развіццю прадпрыемства і яго мадэрнізацыі. У 2013 годзе з’явілася лінія па вытворчасці батончыкаў-мюслі, імпартазамяшчальнай прадукцыі – батончыкаў, якія замяняюць "Снікерс" і "Марс". У 2016 і 2018 гадах з’явіліся дзве лініі па вытворчасці вафляў, вафельных цукерак", - расказала аб мадэрнізацыі кандытарскай фабрыкі генеральны дырэктар СП ААТ "Спартак" Таццяна Лісіцына.
"Усе станоўча ўспрынялі гэта (рашэнне Прэзідэнта аб аднаўленні долі дзяржавы на прадпрыемстве. – Заўвага БЕЛТА). Таму што на дзяржпрадпрыемстве ты забяспечаны сацыяльнымі гарантыямі. Заработная плата не ўстанаўліваецца, а зарабляецца", - лічыць ветэран працы СП ААТ "Спартак" Ганна Кундас.
Устаноўка сучасных тэхналагічных ліній для простых рабочых азначала паляпшэнне ўмоў працы. У няпростыя 1990-я гады аб гэтым і марыць не маглі. Ды і прыватны ўласнік не асабліва быў зацікаўлены ў мадэрнізацыі.
"Я працавала на вытворчасці шакаладу, шакаладных батончыкаў са сметанковай начынкай. Да таго часу, пакуль былі какава-зярняты. А потым былі цяжкасці. Какава-зярнят не было. Я вырабляла цукеркі "птушынае малако". У той час гэта было вельмі складана. Мы нават выпускалі глазуру, якая была ружовай. Усякае было", - успамінае аб няпростых для прадпрыемства часах старшыня прафкама СП ААТ "Спартак" Таццяна Фядосава.-0-
Праект створаны за кошт сродкаў мэтавага збору на вытворчасць нацыянальнага кантэнту.
