ДЗЯРЖОРГАНЫДЗЯРЖОРГАНЫ
Флаг Пятніца, 21 студзеня 2022
Мінск -4°C
Усе навіны
Усе навіны
Грамадства
07 снежня 2021, 15:22

У БНТУ стартаваў форум ВНУ інжынерна-тэхналагічнага профілю СД

7 снежня, Мінск /Кар. БЕЛТА/. Адкрыццё Х Форуму ВНУ інжынерна-тэхналагічнага профілю Саюзнай дзяржавы адбылося сёння ў Беларускім нацыянальным тэхнічным універсітэце, перадае карэспандэнт БЕЛТА.

У БНТУ сабраліся вучоныя, маладыя спецыялісты, дзяржаўныя дзеячы, эксперты высокага ўзроўню для абмену ведамі і рашэннямі стратэгічных задач у галіне адукацыі, інавацыйнага прадпрымальніцтва, навукі.

"Дзякуючы рабоце нашага форуму, адбываецца фарміраванне ўзаемавыгадных партнёрскіх адносін, вырашаюцца пытанні падрыхтоўкі кадраў і будучага стварэння сумесных высокатэхналагічных інавацыйных вытворчасцей, - адзначыў у час адкрыцця рэктар БНТУ Сяргей Харытончык. - Гэта аўтарытэтная і даступная пляцоўка, на якой прадстаўнікі навукі вышэйшай адукацыі студэнцтва Беларусі, Расіі і іншых дзяржаў атрымліваюць унікальную магчымасць дэманстраваць новыя ідэі і распрацоўкі ў розных галінах навукі і тэхнікі".

Паводле слоў Сяргея Харытончыка, канцэпцыя форуму "Навука і адукацыя ў інжынернай экасістэме" запрашае ўдзельнікаў не толькі акунуцца ў вырашэнне творчых задач, але і знайсці спосабы захавання, паляпшэння экалогіі.

"У сучасным свеце вялікую актуальнасць набываюць пытанні, звязаныя з экалогіяй. Таму адзін з галоўных практычных напрамкаў у гэтай дзейнасці - стварэнне такіх тэхналогій, якія ў найменшай ступені ўплываюць на навакольнае асяроддзе. Па меры развіцця прамысловасці, навукі і тэхнікі, роля дасягненняў па інжынернай экалогіі ўвесь час расце. У многіх ВНУ сёння існуе кафедра прамысловай экалогіі. Сёння яна пранізвае вельмі шырокае кола розных інжынерных напрамкаў", - сказаў рэктар БНТУ.

Форум будзе праходзіць з 7 па 10 снежня ў Мінску. У час яго работы будуць закрануты пытанні стварэння ўмоў для развіцця маладзёжнага інавацыйнага прадпрымальніцтва ў рамках Саюзнай дзяржавы. Удзельнікі змогуць абмяняцца вопытам паміж універсітэтамі па развіцці інжынернай адукацыі ва ўмовах трансфармацыі эканомікі, а таксама ўмацаваць культурныя сувязі.

У БНТУ будзе працаваць 6 секцый па розных тэматыках: "Мабільныя машыны і мабільныя тэхналогіі", "Інжынерная экалогія ў сучасным свеце", "Перспектыўныя тэхналогіі, матэрыялы, абсталяванне і сістэмы", "Лічбавыя тэхналогіі ў інжынернай адукацыі", "Маладзёжнае інавацыйнае прадпрымальніцтва", "Універсітэт - сучасны свет і нацыянальныя інтарэсы".

Х Форум ВНУ інжынерна-тэхналагічнага профілю Саюзнай дзяржавы праводзіцца пры падтрымцы Пастаяннага камітэта Саюзнай дзяржавы, Міністэрства адукацыі Беларусі, Міністэрства навукі і вышэйшай адукацыі Расіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі