Фота з архіва
22 мая, Гродна /Кар. БЕЛТА/. Аб тым, якая работа вядзецца гідраметэаралагічнымі службамі Беларусі і Расіі ў сферы імпартазамяшчэння, расказала журналістам перад 77-м пасяджэннем сумеснай калегіі Камітэта Саюзнай дзяржавы па гідраметэаралогіі і маніторынгу забруджвання прыроднага асяроддзя першы намеснік начальніка Белгідрамета Святлана Кузьміч, перадае карэспандэнт БЕЛТА.
"Ва ўмовах, што склаліся пасля 2020 года, мы з расійскімі калегамі, нават не дамаўляючыся, пачалі працаваць у сферы імпартазамяшчэння не проста абсталявання, а праграмна-апаратных комплексаў. У мінулым годзе мы памянялі метэаралагічны радыёлакатар, які ўстаноўлены ў аэрапорце Мінска. І ў нас цяпер сетка метэаралагічных лакатараў прадстаўлена пяццю лакатарамі, якія ўстаноўлены ва ўсіх абласных аэрапортах, акрамя Магілёва", - адзначыла Святлана Кузьміч, растлумачыўшы, што ў Магілёве няма такой неабходнасці, таму што даныя па вобласці перакрываюцца лакатарамі Віцебска, Мінска і Гомеля.
У Беларусі на гэтым этапе працуе толькі адзін імпартны лакатар, які размешчаны ў Гомелі. "Уся астатняя сетка ў нас прадстаўлена сучаснымі доплераўскімі метэаралагічнымі лакатарамі расійскай вытворчасці. Распрацавана праграмнае забеспячэнне, якое дае магчымасць нам ствараць стыкаваную карту радыёлакацыйную. Яна дазваляе бачыць развіццё небяспечных і неспрыяльных з'яў, звязаных з канвектыўнай воблачнасцю (гэта навальніца, град, дождж, лівень, шквалы, якія развіваюцца ўжо на подступах да рэспублікі). Мы бачым тэрыторыю ад Калінінграда да Смаленска і Бранска", - сказала Святлана Кузьміч.
Паводле слоў першага намесніка начальніка Белгідрамета, важным напрамкам з'яўляецца і радыяцыйны маніторынг. "Маючы сваю Беларускую АЭС, мы развіваем, акрамя ўсяго іншага, яшчэ і праграмна-апаратныя комплексы па радыяцыйным маніторынгу. У Белгідрамеце функцыянуе сумесны праграмна-апаратны комплекс, распрацаваны ў рамках праграмы Саюзнай дзяржавы. Ён дае магчымасць не толькі акумуляваць усю інфармацыю ў сетцы назіранняў за радыяцыйным фонам. Але яшчэ і разлічваць, прагназаваць развіццё далейшай абстаноўкі ў выпадку нейкай аварыі, - сказала Святлана Кузьміч. - З пачатку ваенных дзеянняў ва Украіне наша сетка была пераведзена ў рэжым пачашчанага назірання для таго, каб мы разумелі і бачылі аператыўную абстаноўку, як яна складваецца менавіта ў зоне дзеяння Чарнобыльскай АЭС".-0-
"Ва ўмовах, што склаліся пасля 2020 года, мы з расійскімі калегамі, нават не дамаўляючыся, пачалі працаваць у сферы імпартазамяшчэння не проста абсталявання, а праграмна-апаратных комплексаў. У мінулым годзе мы памянялі метэаралагічны радыёлакатар, які ўстаноўлены ў аэрапорце Мінска. І ў нас цяпер сетка метэаралагічных лакатараў прадстаўлена пяццю лакатарамі, якія ўстаноўлены ва ўсіх абласных аэрапортах, акрамя Магілёва", - адзначыла Святлана Кузьміч, растлумачыўшы, што ў Магілёве няма такой неабходнасці, таму што даныя па вобласці перакрываюцца лакатарамі Віцебска, Мінска і Гомеля.
У Беларусі на гэтым этапе працуе толькі адзін імпартны лакатар, які размешчаны ў Гомелі. "Уся астатняя сетка ў нас прадстаўлена сучаснымі доплераўскімі метэаралагічнымі лакатарамі расійскай вытворчасці. Распрацавана праграмнае забеспячэнне, якое дае магчымасць нам ствараць стыкаваную карту радыёлакацыйную. Яна дазваляе бачыць развіццё небяспечных і неспрыяльных з'яў, звязаных з канвектыўнай воблачнасцю (гэта навальніца, град, дождж, лівень, шквалы, якія развіваюцца ўжо на подступах да рэспублікі). Мы бачым тэрыторыю ад Калінінграда да Смаленска і Бранска", - сказала Святлана Кузьміч.
Паводле слоў першага намесніка начальніка Белгідрамета, важным напрамкам з'яўляецца і радыяцыйны маніторынг. "Маючы сваю Беларускую АЭС, мы развіваем, акрамя ўсяго іншага, яшчэ і праграмна-апаратныя комплексы па радыяцыйным маніторынгу. У Белгідрамеце функцыянуе сумесны праграмна-апаратны комплекс, распрацаваны ў рамках праграмы Саюзнай дзяржавы. Ён дае магчымасць не толькі акумуляваць усю інфармацыю ў сетцы назіранняў за радыяцыйным фонам. Але яшчэ і разлічваць, прагназаваць развіццё далейшай абстаноўкі ў выпадку нейкай аварыі, - сказала Святлана Кузьміч. - З пачатку ваенных дзеянняў ва Украіне наша сетка была пераведзена ў рэжым пачашчанага назірання для таго, каб мы разумелі і бачылі аператыўную абстаноўку, як яна складваецца менавіта ў зоне дзеяння Чарнобыльскай АЭС".-0-
