У Беларусі завяршылася цэнтралізаванае тэсціраванне ў асноўныя дні

5 чэрвеня, Мінск /Кар. БЕЛТА/. У Беларусі завяршылася цэнтралізаванае тэсціраванне ў асноўныя дні, паведамляе БЕЛТА.

Сёння прайшло цэнтралізаванае тэсціраванне па фізіцы, хіміі, гісторыі Беларусі, грамадазнаўстве. "Колькасць зарэгістраваных на ЦТ склала 30,9 тыс. абітурыентаў, прынялі ўдзел - 29,2 тыс. Найбольш папулярныя прадметы ў абітурыентаў сёння - фізіка (12,8 тыс.), гісторыя Беларусі (7,3 тыс.), хімія (5,8 тыс.)", - праінфармавалі ў прэс-службе Мінадукацыі.

Па выніках праведзенага ЦТ пяць чалавек не змаглі прадоўжыць тэсціраванне па медыцынскіх паказаннях. З аўдыторый былі выдалены чатыры абітурыенты за наяўнасць мабільнага тэлефона.-0-