Сцяг Серада, 17 красавіка 2024
Усе навіны
Усе навіны
Грамадства
25 лютага 2024, 20:05

У Беларусі закрыліся ўчасткі на выбарах дэпутатаў

25 лютага, Мінск /Кар. БЕЛТА/. У Беларусі закрыліся ўчасткі на выбарах дэпутатаў, паведамляе БЕЛТА.

Усяго працавала 5411 участкаў для галасавання, яны былі адкрыты з 8.00 да 20.00. Акрамя таго, было арганізавана галасаванне дома.

Маніторынг выбарчай кампаніі праводзілі 45505 нацыянальных наглядальнікаў. Таксама былі акрэдытаваны 294 міжнародныя наглядальнікі. У назіранні за выбарамі дэпутатаў у адзіны дзень галасавання ўдзельнічалі місіі наглядальнікаў ад СНД, ШАС, прадстаўнікі Парламенцкай Асамблеі АДКБ, Парламенцкага сходу Саюза Беларусі і Расіі, кіраўнікі і прадстаўнікі выбарчых органаў замежных дзяржаў, а таксама эксперты з еўрапейскіх і іншых краін (Італія, Германія, Літва, Польшча, Францыя, Швецыя, Швейцарыя, Сербія, Балгарыя).

У адзіны дзень галасавання выбіраліся 110 дэпутатаў Палаты прадстаўнікоў Нацыянальнага сходу восьмага склікання і 12514 дэпутатаў мясцовых Саветаў дэпутатаў дваццаць дзявятага склікання.

Выбары дэпутатаў з'яўляюцца прамымі: дэпутаты выбіраюцца грамадзянамі непасрэдна. Тэрмін паўнамоцтваў дэпутатаў Палаты прадстаўнікоў і мясцовых Саветаў дэпутатаў - 5 гадоў.-0-
 
Падпісвайцеся на нас у
Twitter
Топ-навіны
Свежыя навіны Беларусі