3 студзеня Мінск /Кар. БЕЛТА/. Захваральнасць на вострыя рэспіраторныя інфекцыі ў Беларусі знаходзіцца на нізкім узроўні, паведаміла карэспандэнту БЕЛТА намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна Карабан.
На гэты час захваральнасць на ВРІ ніжэйшая за паказчык папярэдняга тыдня прыблізна на 28 працэнтаў, у параўнанні з аналагічным перыядам мінулага года - ніжэйшая на 36 працэнтаў.
"Вірусаў грыпу не выдзяляецца. У асноўным рэгіструюцца вірусы парагрыпу, адэнавірусы, РС-вірусы, рынавірусы і мікаплазма", - сказала Іна Карабан. У Еўропе сітуацыя таксама дастаткова спакойная. Уздым захваральнасці на ВРІ і грып чакаецца ў канцы студзеня - пачатку лютага.
Паводле слоў галоўнага пазаштатнага пульманолага Міністэрства аховы здароўя Алены Давідоўскай, захваральнасць на інфекцыі ніжніх дыхальных шляхоў, да якіх адносіцца і пнеўманія, знаходзіцца ў рамках звычайнай сезоннай сітуацыі. Паказчык захваральнасці на пнеўманіі прыкладна стабільны на працягу апошніх дзесяці гадоў, адзначаецца толькі некаторае павелічэнне ў перыяд з сярэдзіны зімы да пачатку вясны.-0-
