ДЗЯРЖОРГАНЫДЗЯРЖОРГАНЫ
Серада, 3 чэрвеня 2020
Мінск Воблачна з праясненнямі +13°C
Усе навіны
Усе навіны
Грамадства
08 красавіка 2020, 16:14

У Беларусі вызначаны тэрміны правядзення ўступнай кампаніі ў ВНУ

Фота з архіва
Фота з архіва

8 красавіка, Мінск /Кар. БЕЛТА/. Міністэрства адукацыі пастановай ад 30 сакавіка нумар 38 вызначыла тэрміны правядзення ў 2020 годзе ўступнай кампаніі для атрымання вышэйшай адукацыі першай ступені. Такая інфармацыя размешчана на Нацыянальным прававым інтэрнэт-партале, паведамляе БЕЛТА.

Устаноўлены тэрміны прыёму дакументаў: з 16 па 21 ліпеня - ад асоб, якія паступаюць ва ўстановы вышэйшай адукацыі для атрымання вышэйшай адукацыі за кошт бюджэтных сродкаў і на платнай аснове, з 15 лістапада па 5 снежня - для тых, хто паступае на завочную форму атрымання адукацыі ў ВНУ сельскагаспадарчага профілю за кошт бюджэтных сродкаў і на платнай аснове.

Для абітурыентаў, якія паступаюць у ВНУ для атрымання вышэйшай адукацыі на платнай аснове і не здаюць уступныя іспыты, складзены асобныя графікі. З 16 ліпеня па 3 жніўня дакументы прымаюць у Акадэміі МУС, Магілёўскім інстытуце МУС, Універсітэце грамадзянскай абароны МНС, з 16 ліпеня па 6 жніўня - у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў, з 16 ліпеня па 8 жніўня - у іншых ВНУ.

Для выпускнікоў профільных класаў педагагічнай накіраванасці, якія паступаюць на педспецыяльнасці, тэрмін падачы дакументаў - з 16 па 18 ліпеня. Ва Універсітэце грамадзянскай абароны МНС уступныя іспыты пройдуць з 22 па 25 ліпеня, у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў - з 22 па 30 ліпеня, у астатніх ВНУ - з 22 па 28 ліпеня. Ва ўстановах вышэйшай адукацыі сельскагаспадарчага профілю - з 22 па 29 ліпеня (вочная форма) і з 6 па 15 снежня (завочная форма).

Што датычыцца тэрміну залічэння абітурыентаў на бюджэтныя месцы, то ў Ваеннай акадэміі, Інстытуце пагранічнай службы, Універсітэце грамадзянскай абароны МНС ён устаноўлены па 28 ліпеня. У іншых ВНУ (акрамя завочнай формы атрымання адукацыі ва ўстановах сельскагаспадарчага профілю) - па 1 жніўня, у ВНУ сельгаспрофілю ў завочнай форме атрымання адукацыі - па 20 снежня.

На месцы, устаноўленыя лічбамі прыёму для атрымання вышэйшай адукацыі на платнай аснове, вызначаны наступныя тэрміны залічэння абітурыентаў: па 6 жніўня - у Акадэмію МУС, Магілёўскі інстытут МУС, Універсітэт грамадзянскай абароны МНС, па 8 жніўня - Беларускую дзяржаўную акадэмію мастацтваў, Беларускую дзяржаўную акадэмію музыкі, Беларускі дзяржаўны ўніверсітэт культуры і мастацтваў, па 10 жніўня - у астатнія ВНУ. Асобна ўстаноўлены тэрміны для завочных аддзяленняў ВНУ сельскагаспадарчага профілю - па 20 снежня.

Пастановай таксама вызначаны тэрміны залічэння абітурыентаў і дадатковага набору ў дзяржаўныя ВНУ на месцы, вызначаныя кантрольнымі лічбамі прыёму, якія засталіся вакантнымі пасля залічэння абітурыентаў. Акрамя таго, устаноўлены тэрміны ўступнай кампаніі для замежных грамадзян і асоб без грамадзянства, а таксама для грамадзян Украіны і асоб без грамадзянства, якія пражываюць (як правіла, не менш за год) на тэрыторыі Данецкай і Луганскай абласцей і прыбылі ў Беларусь для атрымання дазволаў на часовае або пастаяннае пражыванне.

Пастанова ўступае ў сілу пасля афіцыйнага апублікавання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі