ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +7°C
Усе навіны
Усе навіны
Грамадства
09 жніўня 2022, 17:22

У Беларусі выяўлены штам амікрон-ніндзя

Фота з архіва
Фота з архіва

9 жніўня, Мінск /Кар. БЕЛТА/. У Беларусі выяўлены штам амікрон-ніндзя. Аб гэтым сёння журналістам паведаміў намеснік міністра аховы здароўя - галоўны дзяржаўны санітарны ўрач Беларусі Аляксандр Тарасенка, перадае карэспандэнт БЕЛТА.

"Новы варыянт амікрона, які яшчэ называюць ніндзя, выявілі ў хворых на кавід у Віцебску і Мінску. Можам гаварыць аб пачатку цыркуляцыі названага штама. РНПЦ эпідэміялогіі і мікрабіялогіі на пастаяннай аснове вядзецца маніторынг цыркуляцыі штамаў. Мы не чакаем нейкіх змяненняў у плане лячэння, а таксама па клініцы і цяжкасці ходу хваробы. Хоць у сусветнай прэсе існуе меркаванне, што штам больш кантагіёзны і цяжка праходзіць. Мы ўсё ж такі перакананы, што дадатковых мерапрыемстваў з боку Міністэрства аховы здароўя (акрамя як павелічэння тэмпаў вакцынацыі), змянення пратаколаў не трэба", - расказаў Аляксандр Тарасенка.

Паводле яго слоў, размова ідзе пра двух захварэўшых, на гэты час захворванне ў іх ідзе ў лёгкай форме. "Калі гаварыць пра цыркуляцыю штамаў, то варыянт стэлс завяршае сваю цыркуляцыю ў нас, яна на ўзроўні 8 працэнтаў. А 92 працэнты - гэта амікрон ВА.4 і ВА.5. Усе варыянты амікрона выяўлены ў Паўднёвай Афрыцы. Вынікі даследаванняў па геномным наглядзе ў нашай краіне даюць магчымасць поўнасцю кантраляваць сітуацыю", - адзначыў намеснік міністра.

У Міністэрстве аховы здароўя нагадалі, што ўсе наяўныя ў краіне вакцыны дазваляюць абараніць чалавека ад цяжкага ходу захворвання на COVID-19. Спецыялісты ўпэўнены, што знізіць рызыку заражэння дапамогуць вакцынацыя, бустарная (паўторная) вакцынацыя, нашэнне масак і праветрыванне памяшканняў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі