Сцяг Чацвер, 18 красавіка 2024
Усе навіны
Усе навіны
Грамадства
20 кастрычніка 2015, 14:13

У Беларусі ўзмоцняць меры па барацьбе з курэннем

20 кастрычніка, Мінск /Кар. БЕЛТА/. У Беларусі ўзмоцняць меры па барацьбе з курэннем. Аб гэтым паведаміў сёння журналістам міністр аховы здароўя Васіль Жарко, перадае карэспандэнт БЕЛТА.

"Хутка выйдзе нарматыўны дакумент па ўзмацненні мер, што прымаюцца да курэння. Мы гэты нарматыўны дакумент распрацавалі, узгаднілі з усімі міністэрствамі і ведамствамі", - сказаў Васіль Жарко.

Міністр не стаў называць асноўныя палажэнні дакумента, аднак адзначыў, што ён будзе падобны да антытытунёвага закона, які быў падрыхтаваны Міністэрствам аховы здароўя яшчэ ў 2013 годзе.

Васіль Жарко канстатаваў, што апошнім часам у Беларусі адзначаецца значнае зніжэнне смяротнасці ад атручэння алкаголем. Таксама рэзка знізілася колькасць паступленняў у стацыянары ў стане алкагольнага ап'янення і псіхозаў.

У Беларусі, паводле даных выбарачнага абследавання дамашніх гаспадарак па ўзроўні жыцця, на пачатак 2015 года доля курцоў ва ўзросце 16 гадоў і старэйшым склала 24,4 працэнта. За перыяд з пачатку 2000 года гэта найменшае значэнне паказчыка. Зніжэнне агульнай распаўсюджанасці курэння адбылося за кошт змяншэння распаўсюджанасці курэння сярод мужчын. За 15 гадоў доля мужчын, якія кураць, знізілася на 7,9 працэнтнага пункта і на пачатак 2015 года склала 45,8 працэнта. За гэты перыяд доля жанчын, якія кураць, вырасла ў 1,9 раза і склала 9,3 працэнта.-0-

Падпісвайцеся на нас у
Twitter
Топ-навіны
Свежыя навіны Беларусі