Фота з архіва
17 лютага, Мінск /Кар. БЕЛТА/. Падрыхтавана першая рэдакцыя праекта "Класіфікатар адходаў, што ўтвараюцца ў Рэспубліцы Беларусь", паведамілі БЕЛТА ў Міністэрстве прыродных рэсурсаў і аховы навакольнага асяроддзя.
Тэкст дакумента размешчаны на сайце ведамства і распрацаваны рэспубліканскім навукова-даследчым унітарным прадпрыемствам "Бел НДЦ "Экалогія". Заўвагі і прапановы па ім можна накіраваць у адрас прадпрыемства да 14 сакавіка.
Агульнадзяржаўны класіфікатар прызначаны для выкарыстання пры абыходжанні з адходамі для іх ідэнтыфікацыі ў выпадках, прадугледжаных заканадаўствам у галіне аховы навакольнага асяроддзя і прыродакарыстання. Ён устанаўлівае коды, найменні, ступень небяспекі і клас небяспекі адходаў.
АКА РБ выкарыстоўваецца пры вырашэнні такіх задач, як правядзенне інвентарызацыі адходаў вытворчасці, распрацоўка інструкцый па абыходжанні з імі, выдача дазволаў на іх захоўванне і пахаванне, вядзенне ўліку адходаў, складанне дзяржаўнай статыстычнай справаздачнасці ў галіне абыходжання з адходамі.
Аб'ектам класіфікацыі з'яўляюцца адходы, што ўтвараюцца ў працэсе эканамічнай дзейнасці, жыццядзейнасці чалавека, абыходжанне з якімі ажыццяўляюць юрыдычныя асобы ўсіх форм уласнасці і індывідуальныя прадпрымальнікі.
Для класіфікацыі прыняты іерархічны метад з дзяленнем на блокі, раздзелы, групы, падгрупы, віды адходаў.-0-
Тэкст дакумента размешчаны на сайце ведамства і распрацаваны рэспубліканскім навукова-даследчым унітарным прадпрыемствам "Бел НДЦ "Экалогія". Заўвагі і прапановы па ім можна накіраваць у адрас прадпрыемства да 14 сакавіка.
Агульнадзяржаўны класіфікатар прызначаны для выкарыстання пры абыходжанні з адходамі для іх ідэнтыфікацыі ў выпадках, прадугледжаных заканадаўствам у галіне аховы навакольнага асяроддзя і прыродакарыстання. Ён устанаўлівае коды, найменні, ступень небяспекі і клас небяспекі адходаў.
АКА РБ выкарыстоўваецца пры вырашэнні такіх задач, як правядзенне інвентарызацыі адходаў вытворчасці, распрацоўка інструкцый па абыходжанні з імі, выдача дазволаў на іх захоўванне і пахаванне, вядзенне ўліку адходаў, складанне дзяржаўнай статыстычнай справаздачнасці ў галіне абыходжання з адходамі.
Аб'ектам класіфікацыі з'яўляюцца адходы, што ўтвараюцца ў працэсе эканамічнай дзейнасці, жыццядзейнасці чалавека, абыходжанне з якімі ажыццяўляюць юрыдычныя асобы ўсіх форм уласнасці і індывідуальныя прадпрымальнікі.
Для класіфікацыі прыняты іерархічны метад з дзяленнем на блокі, раздзелы, групы, падгрупы, віды адходаў.-0-
Падпісвайцеся на нас у
