ДЗЯРЖОРГАНЫДЗЯРЖОРГАНЫ
Флаг Субота, 16 кастрычніка 2021
Мінск Ясна +8°C
Усе навіны
Усе навіны
Грамадства
19 лютага 2021, 13:04

У Беларусі ўлада не адмаўляе плюралізму думак - Гігін

Вадзім Гігін
Вадзім Гігін

19 лютага, Мінск /Кар. БЕЛТА/. У Беларусі ўлада не адмаўляе плюралізму думак, заявіў у час пасяджэння праекта БЕЛТА "Экспертнае асяроддзе", прысвечанага вынікам VI Усебеларускага народнага сходу, дэкан факультэта філасофіі і сацыяльных навук БДУ, кандыдат гістарычных навук, дацэнт Вадзім Гігін.

"Усебеларускі народны сход - гэта не парламент, не партыя, не масавы рух. Гэта кансультатыўна-грамадскі орган. Гэта значыць розныя прадстаўнікі грамадскасці, эксперты нібы кансультуюць і рэкамендуюць ураду тыя ці іншыя рашэнні, з якімі ён можа або згадзіцца, або не. Асноўны дакумент УНС - рэзалюцыя. Нават калі вы паглядзіце праграму сацыяльна-эканамічнага развіцця - гэта ж рэкамендацыя, якая потым ужо зацвярджаецца нарматыўна-прававымі нормамі дзяржавы", - сказаў Вадзім Гігін.

Паводле яго слоў, Усебеларускі народны сход стаў вяхой, ён паказаў моц улады і ўпэўненасць у сваіх сілах, наяўнасць шырокай грамадскай падтрымкі. "Гэта вельмі важна і на знешнепалітычнай арэне для таго, каб выбудоўваць стратэгію, каб іншыя дзяржавы бачылі, з кім маюць справу ў Беларусі, хто рэальна кантралюе сітуацыю, карыстаецца грамадскай падтрымкай. Так, гэта падтрымка ёсць. Гэта павінны прызнаць і апаненты ўлады. Важны пасыл у кантэксце палітыкі: усё ж такі ўлада не адмаўляе плюралізму думак, - адзначыў дэкан. - Зразумела, што ў Аляксандра Лукашэнкі даволі жорсткі, прамалінейны стыль данясення інфармацыі. Гэта харызматычны лідар, які прывык такім чынам выбудоўваць свае стасункі, сваю камунікацыю, але ніхто не будзе адмаўляць адкрытасць гэтай камунікацыі і гатоўнасць слухаць розныя пункты гледжання. І ў сувязі з гэтым мне здаецца, што тыя апазіцыйныя палітыкі, якія не прыйшлі па тых ці іншых прычынах на сход, калі б залежала толькі ад іх, якое рашэнне прыняць, яны былі б на сходзе. Але на іх аказваўся даволі значны націск і пад гэтым націскам яны дапусцілі памылку. Калі б яны ўдзельнічалі ва УНС, гэта не столькі сход умацавала б, колькі іх саміх. Яны былі б таксама ў тым ліку ньюсмейкерамі, як і дэлегаты Усебеларускага сходу".

Вадзім Гігін упэўнены, усім грамадзянам Беларусі настаў час карыстацца дыялогавымі пляцоўкамі, усімі магчымасцямі для стасункаў, для данясення свайго пункту гледжання. "І пасыл сходу - трэба паважаць пункт гледжання іншых людзей. Прэзідэнт пачаў з праграмы сваіх апанентаў - ён яе раскрытыкаваў, але абазначыў, не праігнараваў. Нельга ігнараваць пункт гледжання іншага боку. Розныя палітычныя сілы павінны пачаць нармальна размаўляць. Недзе пераступіць праз свае амбіцыі, і фактычна такім чынам улада працягвае руку сваім апанентам. Цяпер трэба выбудоўваць гэтыя формы дыялогу, шукаць іх. Вядома, гэты шлях будзе няпросты: ёсць крыўды, узаемныя прэтэнзіі, ёсць ужо нават стэрэатыпы, пэўная міфалагізацыя, якая заўсёды прысутнічае ў любым палітычным працэсе. Гэта нам трэба будзе яшчэ пераадолець, - падкрэсліў ён. - Нас чакае вялікая палітычная кампанія. Гэта кампанія, звязаная з рэформай Канстытуцыі, палітычнай трансфармацыяй, а адным з яе праяўленняў, тэстам для беларускай палітычнай сістэмы стануць мясцовыя выбары. Няважна, пройдуць яны ў канцы гэтага года або ў пачатку наступнага - яны стануць адной з галоўных палітычных тэм. І гэта таксама гучала на сходзе".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі