28 студзеня, Мінск /Юлія Дылянок - БЕЛТА/. З 1 красавіка тэхабслугоўванне жыллёвага фонду ў Беларусі будзе ажыццяўляцца толькі спецыялістамі па комплексным абслугоўванні - так званымі хаус-майстрамі. Аб гэтым заявіў сёння міністр жыллёва-камунальнай гаспадаркі Аляксандр Церахаў на падагульняючай калегіі Мінжылкамгаса, перадае карэспандэнт БЕЛТА.
"Год таму мы дамовіліся аб укараненні станоўчага вопыту тэхнічнага абслугоўвання так званымі хаус-майстрамі. Пярэчанняў не было. У адпаведнасці з даручэннем неабходна было забяспечыць ажыццяўленне тэхнічнага абслугоўвання гэтымі спецыялістамі ў горадзе Мінску не менш як 80 працэнтаў жылфонду, у абласных цэнтрах - не менш за 50 працэнтаў. Да выканання гэтай задачы адказна падышлі толькі ў Мінску і Гомелі", - канстатаваў Аляксандр Церахаў. Аб адсутнасці разумення важнасці работы ў згаданым напрамку сведчыць недастаткова актыўны працэс перападрыхтоўкі спецыялістаў у большасці абласных цэнтраў.
Аляксандр Церахаў адзначыў, што для надання паскарэння ў гэтым пытанні Мінжылкамгасам завершана распрацоўка тэхналагічных карт па тэхабслугоўванні жылфонду, якімі прадугледжана абслугоўванне толькі комплекснымі рабочымі. "Цяпер гэтыя нормы накіраваны на апрабацыю, і мы ўвядзём іх у эксплуатацыю з 1 красавіка", - сказаў міністр. Таксама, паводле яго слоў, прынята рашэнне аб устанаўленні адзінай планава-разліковай цаны на тэхабслугоўванне жыллёвага фонду на ўзроўні аптымальна сфарміраванай у 2014 годзе.
"Год таму мы дамовіліся аб укараненні станоўчага вопыту тэхнічнага абслугоўвання так званымі хаус-майстрамі. Пярэчанняў не было. У адпаведнасці з даручэннем неабходна было забяспечыць ажыццяўленне тэхнічнага абслугоўвання гэтымі спецыялістамі ў горадзе Мінску не менш як 80 працэнтаў жылфонду, у абласных цэнтрах - не менш за 50 працэнтаў. Да выканання гэтай задачы адказна падышлі толькі ў Мінску і Гомелі", - канстатаваў Аляксандр Церахаў. Аб адсутнасці разумення важнасці работы ў згаданым напрамку сведчыць недастаткова актыўны працэс перападрыхтоўкі спецыялістаў у большасці абласных цэнтраў.
Аляксандр Церахаў адзначыў, што для надання паскарэння ў гэтым пытанні Мінжылкамгасам завершана распрацоўка тэхналагічных карт па тэхабслугоўванні жылфонду, якімі прадугледжана абслугоўванне толькі комплекснымі рабочымі. "Цяпер гэтыя нормы накіраваны на апрабацыю, і мы ўвядзём іх у эксплуатацыю з 1 красавіка", - сказаў міністр. Таксама, паводле яго слоў, прынята рашэнне аб устанаўленні адзінай планава-разліковай цаны на тэхабслугоўванне жыллёвага фонду на ўзроўні аптымальна сфарміраванай у 2014 годзе.
