Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Лукашэнка: ганаруся беларускай моладдзю
18 Кастрычнік, 15:49 Прэзідэнт
Усе навіны

У Беларусі створаны экспертны савет па пытаннях цэн і тарыфаў

Грамадства 14.05.2019 | 16:40
Намеснік старшыні праўлення Нацыянальнага банка Сяргей Калечыц, міністр антыманапольнага рэгулявання і гандлю Уладзімір Калтовіч, старшыня Федэрацыі прафсаюзаў Міхаіл Орда, старшыня Нацыянальнага статыстычнага камітэта Іна Мядзведзева
Намеснік старшыні праўлення Нацыянальнага банка Сяргей Калечыц, міністр антыманапольнага рэгулявання і гандлю Уладзімір Калтовіч, старшыня Федэрацыі прафсаюзаў Міхаіл Орда, старшыня Нацыянальнага статыстычнага камітэта Іна Мядзведзева

14 мая, Мінск /Кар. БЕЛТА/. У Беларусі створаны экспертны савет па пытаннях цэн і тарыфаў. Пагадненне аб яго стварэнні і дзейнасці падпісана сёння ў Мінску паміж Міністэрствам антыманапольнага рэгулявання і гандлю, Федэрацыяй прафсаюзаў, Нацыянальным банкам і Нацыянальным статыстычным камітэтам, перадае карэспандэнт БЕЛТА.

Ініцыятарам стварэння савета выступіла ФПБ. Экспертны савет прызначаны стаць пляцоўкай для маніторынгу цэнавай сітуацыі ў краіне, паглыбленага аналізу яго вынікаў і выпрацоўкі рэкамендацый для прыняцця рашэнняў у галіне цэн і тарыфаў. Плануецца, што першае яго пасяджэнне адбудзецца ў апошняй дэкадзе мая.

Як адзначыў у размове з журналістамі старшыня ФПБ Міхаіл Орда, для дэталёвага аналізу цэн і эфектыўнай работы для папярэджання іх неабгрунтаванага росту неабходна дакладная каардынацыя дзеянняў усіх зацікаўленых ведамстваў. Ён нагадаў, што Прэзідэнт Беларусі Аляксандр Лукашэнка 2 мая ў час рабочай сустрэчы акцэнтаваў увагу на тым, што цэны застаюцца для людзей пытаннем нумар адзін, таму гэта тэма павінна знаходзіцца ў полі зроку прафсаюзаў. "Пасля сустрэчы ў кіраўніка дзяржавы ФПБ унесла прапанову аб стварэнні чатырохбаковага экспертнага савета, які перш за ўсё павінен працаваць на папярэджанне, дэталёва аналізаваць стан цэн, як яны могуць мяняцца", - сказаў Міхаіл Орда.

Старшыня Федэрацыі прафсаюзаў Міхаіл Орда
Старшыня Федэрацыі прафсаюзаў Міхаіл Орда'

"Неабгрунтаваны рост цэн заўсёды б'е па кашальку людзей, уплывае непасрэдна і на ўзровень жыцця, і на дабрабыт", - падкрэсліў старшыня ФПБ. Ён дадаў, што ў эфектыўным кантролі за цэнамі зацікаўлены ўсе ведамствы, якія падпісалі сёння пагадненне.

Савет плануе збірацца не радзей як раз у месяц і працаваць максімальна празрыста, размяшчаючы інфармацыю ў адкрытым доступе.

Два гады таму ФПБ і МАРГ падпісалі пагадненне аб сумесных дзеяннях на спажывецкім рынку ў частцы маніторынгу цэн. Цяпер да гэтай работы далучацца Белстат і Нацбанк. Удзельнікі савета ўпэўнены, што гэта пасадзейнічае большай каардынацыі дзеянняў усіх зацікаўленых у пытаннях цэнавай палітыкі.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.