Мабільная версія
ДЗЯРЖОРГАНЫ

Апошнія навіны
Усе навіны

У Беларусі створана эфектыўная сістэма дзяржпадтрымкі таленавітай моладзі - Петрышэнка

Грамадства 04.06.2019 | 09:07
Ігар Петрышэнка. Фота з архіва
Ігар Петрышэнка. Фота з архіва

4 чэрвеня, Мінск /Кар. БЕЛТА/. У Беларусі створана эфектыўная сістэма дзяржаўнай падтрымкі таленавітай моладзі, заявіў намеснік прэм'ер-міністра Ігар Петрышэнка на ўрачыстай цырымоніі ўшаноўвання лаўрэатаў і стыпендыятаў спецыяльных фондаў Прэзідэнта, перадае карэспандэнт БЕЛТА.

"Адзін філосаф сказаў, што талент - гэта крыніца, якая нясе ўсё новае і чыстае Богу. Але гэта крыніца засыхае, калі ёю няправільна карыстацца. Наша незалежная дзяржава мае патрэбу ў таленавітай і адоранай моладзі. І робіць усё для таго, каб вы па праву дастойна прадстаўлялі маладую інтэлектуальную і творчую эліту нашай краіны", - сказаў Ігар Петрышэнка. У Беларусі створана эфектыўная сістэма дзяржаўнай падтрымкі таленавітай моладзі, якая дае магчымасць кожнаму рэалізаваць свой патэнцыял і магчымасці, дабіцца высокіх дасягненняў і яскравых перамог, падкрэсліў ён.

У 2018 годзе навучэнцы ўстаноў агульнай сярэдняй адукацыі на міжнародных інтэлектуальных спаборніцтвах заваявалі 50 медалёў, з іх 5 залатых, 19 сярэбраных і 26 бронзавых. "Сярод уладальнікаў золата - Паліна Булаўская, Аляксей Гарахоўскі, Цімафей Фёдараў, Аляксандр Кернажыцкі. Іх рэзультаты па выніках удзелу ў прэстыжных сусветных навуковых форумах у галіне хіміі, біялогіі, інфарматыкі атрымалі высокую ацэнку міжнароднага журы, - нагадаў намеснік прэм'ер-міністра. - Паспяхова выступілі на міжнародных конкурсах прадстаўнікі творчай моладзі, сярод лаўрэатаў спецыяльнага фонду Прэзідэнта па падтрымцы таленавітай моладзі сапраўдныя віртуозы, якія ўпэўнена дэманструюць свае выканальніцкія таленты на міжнародных творчых конкурсах".

Ігар Петрышэнка выказаў падзяку маладым актыўным беларусам за старанную працу. "Будзьце дастойны нашых вялікіх продкаў, якія паказалі свету беспрэцэдэнтны гераізм і стойкасць духу, што вельмі актуальна ў год 75-годдзя вызвалення нашай краіны ад нямецка-фашысцкіх захопнікаў, - пажадаў ён. - Будзьце дастойны вашых педагогаў, настаўнікаў і бацькоў. Гэтыя мудрыя і клапатлівыя людзі адкрываюць перад вамі дзіўны свет ведаў, укладваюць сваю душу і прафесіяналізм, радуюцца вашым дасягненням і дапамагаюць пераадольваць цяжкасці".

Ён выказаў упэўненасць, што ацэнка дзяржавай заслуг адоранай і таленавітай моладзі стане важным стымулам для далейшага ўдасканалення, а іх дасягненні і перамогі - дастойным укладам у развіццё Беларусі.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.