Мабільная версія
ДЗЯРЖОРГАНЫ

Апошнія навіны
Усе навіны

У Беларусі пры капрамонце ў кватэрах будуць устанаўліваць рэгулятары расходу цеплавой энергіі

Грамадства 24.01.2019 | 15:19
Андрэй Рамашка ў час брыфінгу
Андрэй Рамашка ў час брыфінгу

24 студзеня, Мінск /Вера Сяргеева - БЕЛТА/. Змяненні ў парадак правядзення капітальнага рамонту жылля дадуць магчымасць спажыўцам самастойна рэгуляваць падачу цяпла ў кватэры. Аб гэтым паведаміў сёння ў прэс-цэнтры БЕЛТА начальнік упраўлення жыллёвай гаспадаркі Міністэрства жыллёва-камунальнай гаспадаркі Андрэй Рамашка.

"Канцэптуальна прадугледжана неабходнасць абавязковай устаноўкі прыбораў рэгулявання. У далейшым пытанне арганізацыі разліку па індывідуальных прыборах або па групавых прыборах будзе залежаць ад жадання ўласнікаў і спажыўцоў. Але магчымасць пакватэрнага рэгулявання - устаноўкі рэгулятараў на ацяпляльных прыборах - будзе прадугледжвацца пры правядзенні капітальнага рамонту", - сказаў Андрэй Рамашка.

Як паказвае практыка, у жылым доме з пакватэрным рэгуляваннем спажывання цеплавой энергіі агульнае цепласпажыванне зніжаецца на 12 працэнтаў. "Магчымасць рэгулявання дасць магчымасць забяспечыць у першую чаргу, адсутнасць ператопкі ў асобных жылых памяшканнях", - дадаў прадстаўнік Мінжылкамгаса.

Устаноўка тэрмарэгулятараў на ацяпляльных прыборах у кватэрах дапоўніла пералік работ пры капітальным рамонце жылых дамоў за кошт бюджэтных сродкаў і платы за капрамонт, якая паступае ад насельніцтва. У спіс дадаткова ўвайшлі таксама работы па ўладкаванні сістэм дыстанцыйнага зняцця паказанняў з прыбораў індывідуальнага ўліку расходу вады, газу; па рамонце, замене і ўладкаванні процідымнай абароны, установак проціпажарнай аўтаматыкі; рамонце сістэмы вентыляцыі, уладкаванні рэцыркуляцыі ўнутрыдамавой сістэмы гарачага водазабеспячэння (без уладкавання сетак) і іншыя віды работ.

Змяненні ў гэты пералік работ былі ўнесены пастановай Савета Міністраў ад 21 студзеня 2019 года нумар 39, якая сёння ўступіла ў сілу.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.