18 верасня, Мінск /Кар. БЕЛТА/. У Беларусі працуюць над канцэпцыяй развіцця лічбавізацыі выбарчай сістэмы. Аб гэтым расказаў старшыня ЦВК Беларусі Ігар Карпенка ў эфіры тэлеканала АНТ, паведамляе БЕЛТА.
"Мы цяпер працуем над стварэннем канцэпцыі развіцця лічбавізацыі выбарчай сістэмы. У рамках гэтай канцэпцыі мы разгледзім пытанне магчымага прымянення электроннага галасавання для некаторых катэгорый грамадзян", - сказаў Ігар Карпенка.
Ён заўважыў, што электроннае галасаванне ў час электаральнай кампаніі не ўводзіцца па руху нейкай чарадзейнай палачкі. У краіне павінна быць створана разгалінаваная сістэма электронных паслуг, электронны ўрад і іншыя платформы, якія могуць быць у аснове электроннага галасавання.
Разам з тым старшыня ЦВК звярнуў увагу, што Адзіны дзень галасавання 25 лютага 2024 года і прэзідэнцкая кампанія 2025 года ў Беларусі пройдуць традыцыйна, без прымянення электроннага галасавання.-0-
