19 кастрычніка, Мінск /Кар. БЕЛТА/. У Беларусі прапануюць удасканаліць прадастаўленне дзяржпадтрымкі пры будаўніцтве жылля. Адпаведны праект указа вынесены на грамадскае абмеркаванне на Прававым форуме, паведамляе БЕЛТА.
Праект указа прадугледжвае далейшае ўдасканаленне парадку і ўмоў прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылля, а таксама ўрэгуляванне асобных пытанняў будаўніцтва грамадзянамі такога жылля.
Прыняцце праекта будзе садзейнічаць далейшай сістэматызацыі мер дзяржаўнай падтрымкі грамадзян пры будаўніцтве (рэканструкцыі) або набыцці жылля, скарачэнню колькасці іх скаргаў і зваротаў, лічаць распрацоўшчыкі дакумента.
Арганізатар грамадскага абмеркавання - Міністэрства архітэктуры і будаўніцтва.
Свае заўвагі і прапановы можна выказаць у спецыяльнай тэме на Прававым форуме з 19 па 30 кастрычніка.-0-