ДЗЯРЖОРГАНЫДЗЯРЖОРГАНЫ
Флаг Чацвер, 5 жніўня 2021
Мінск Пераменная воблачнасць +17°C
Усе навіны
Усе навіны
Грамадства
19 чэрвеня 2021, 10:58

У Беларусі праходзіць другі дзень ЦТ па рускай мове

Фота з архіва
Фота з архіва

19 чэрвеня, Мінск /Кар. БЕЛТА/. У Беларусі праходзіць другі дзень цэнтралізаванага тэсціравання па рускай мове, паведамляе карэспандэнт БЕЛТА.

Традыцыйна іспыт пачынаецца ў 11.00. Усяго на ЦТ па рускай мове ў бягучым годзе зарэгістравана больш за 50,8 тыс. абітурыентаў. З зарэгістраваных у першы дзень праходжання на іспыты не з'явіліся 1159 абітурыентаў.

Абітурыентам забаронена праносіць з сабой мабільны тэлефон і іншыя гаджэты. Пра гэта ім пастаянна нагадваюць перад уваходам у аўдыторыю. Парушальнікі выдаляюцца і не будуць мець магчымасці прайсці ЦТ па прадмеце ў гэтым годзе. Як паведамлялася, за мабільны тэлефон з ЦТ па беларускай мове і ў першы дзень здачы іспыту па рускай мове выдалены па адным абітурыенце, яшчэ адзін выдалены за работу з тэстам пасля заканчэння часу.

У пунктах правядзення ЦТ у неабходнай колькасці ёсць сродкі для дэзынфекцыі рук і выконваюцца патрабаванні сацыяльнага дыстанцыравання. Пры наяўнасці прыкмет недамагання абітурыентам рэкамендуецца своечасова звяртацца да медыцынскіх работнікаў. У выпадку дрэннага самаадчування, пацверджанага дакументальна, абітурыент можа прайсці ЦТ у рэзервовыя дні.

ЦТ па грамадазнаўстве адбудзецца 21 чэрвеня, матэматыцы - 23 і 24 чэрвеня, біялогіі - 26 чэрвеня. ЦТ па замежнай мове можна будзе здаць 28 чэрвеня, хіміі - 30 чэрвеня, фізіцы - 2 ліпеня, гісторыі Беларусі - 4 ліпеня, геаграфіі - 6 ліпеня, сусветнай гісторыі (навейшы час) - 8 ліпеня.

Даты рэзервовых дзён - 14 і 16 ліпеня (беларуская і руская мовы), 14 і 18 ліпеня (грамадазнаўства, матэматыка, біялогія, замежная мова, хімія, фізіка, гісторыя Беларусі, геаграфія, сусветная гісторыя (навейшы час). Тэрміны рэгістрацыі абітурыентаў для праходжання ЦТ у рэзервовыя дні - з 2 па 9 ліпеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі