25 кастрычніка, Мінск /Кар. БЕЛТА/. У Беларусі пераходзяць на больш актыўнае выкарыстанне тэстаў на антыген да каранавіруса, паведаміў намеснік міністра аховы здароўя - галоўны дзяржаўны санітарны ўрач Аляксандр Тарасенка ў праграме "Пытанне нумар адзін" на тэлеканале "Беларусь 1", перадае карэспандэнт БЕЛТА.
"Мы пачалі пераход на антыген-тэсты. Па-першае, яны робяцца хутчэй, па-другое, яны таннейшыя, чым ПЛР-тэсціраванне. Таму і ўнеслі карэкціроўкі ў нарматыўныя дакументы: у першую чаргу даследаванне на антыген, а потым па рашэнні ўрача або пры адсутнасці антыген-тэстаў праводзіцца ПЛР-тэсціраванне", - сказаў Аляксандр Тарасенка.
Паводле яго слоў, прымяненне экспрэс-тэстаў на антыген пачата, каб не перагружаць лабараторыі. "І назначаюцца яны ў першую чаргу па рэкамендацыі ўрача, калі ёсць прыкметы вострых рэспіраторных інфекцый. ПЛР праводзяць для тых, хто шпіталізуецца ў стацыянар", - растлумачыў намеснік міністра.-0-
