Мабільная версія
ДЗЯРЖОРГАНЫ

Апошнія навіны
Усе навіны

У Беларусі пачынаецца цэнтралізаванае тэсціраванне

Грамадства 11.06.2019 | 09:01

11 чэрвеня, Мінск /Кар. БЕЛТА/. У Беларусі пачынаецца цэнтралізаванае тэсціраванне. Першае ЦТ абітурыенты будуць здаваць па беларускай мове. Праходзіць яго плануюць больш за 22 тыс. чалавек, паведаміў карэспандэнту БЕЛТА дырэктар Рэспубліканскага інстытута кантролю ведаў Юрый Міксюк.

Усяго на цэнтралізаванае тэсціраванне ў Беларусі зарэгістраваліся 76 тыс. 888 чалавек. Яны будуць здаваць 258,3 тыс. тэстаў па вучэбных прадметах.

Пачатак экзамену ў 11.00. Быць на месцы лепш прыкладна за паўгадзіны, каб без спешкі прайсці некалькі працэдур кантролю. Пасля адкрыцця пакетаў з тэстамі абітурыент ужо не зможа трапіць у аўдыторыю. Пры сабе трэба мець пропуск, дакумент, які засведчвае асобу. Дырэктар інстытута адзначыў, што размова ідзе пра дакладна ўстаноўлены пералік, у які ўваходзяць пашпарт, пасведчанне на права жыхарства ў Беларусі, пасведчанне бежанца. Іншыя дакументы, напрыклад, вадзіцельскае пасведчанне, не падыдуць. Калі абітурыент страціў пашпарт або яго ўкралі, то пры сабе ён павінен мець даведку, якую выдае МУС у выпадку страты (крадзяжу) дакумента, які засведчвае асобу. Акрамя таго, з сабой на тэсціраванне трэба ўзяць ручку (гелевую або капілярную) з чарніламі чорнага колеру.

Нельга прыносіць з сабой тэлефоны і іншыя ўстройствы, якія перадаюць, прымаюць і захоўваюць інфармацыю. Выключэнне зроблена толькі для калькулятара і толькі на ЦТ па фізіцы і хіміі. У час тэсціравання нельга мяняцца месцамі, экзаменацыйнымі матэрыяламі, прасіць аб дапамозе іншых людзей для выканання тэставых заданняў. Калі ў абітурыента ўзнікла пытанне, то ён можа звярнуцца да камісіі.

Наступнае ЦТ, па рускай мове, абітурыенты будуць здаваць 13 чэрвеня.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Галасаванне на выбарах дэпутатаў Палаты прадстаўнікоў Датэрміновае галасаванне на выбарах дэпутатаў Палаты прадстаўнікоў Нацыянальнага сходу Беларусі сёмага склікання пройдзе з 12 па 16 лістапада ўключна.