24 мая, Мінск /Кар. БЕЛТА/. У Беларусі на дарогах рэспубліканскага значэння размешчана амаль 540 пунктаў грамадскага харчавання. Аб гэтым паведаміў сёння на прэс-канферэнцыі "Асаблівасці развіцця прыдарожнага сэрвісу на аўтамабільных дарогах Беларусі" начальнік упраўлення развіцця аўтамабільных дарог галоўнага ўпраўлення аўтамабільных дарог Міністэрства транспарту і камунікацый Сяргей Лявончык, перадае карэспандэнт БЕЛТА.
"На дарогах рэспубліканскага значэння дзейнічаюць 387 аўтазаправачных станцый, 50 гасцініц, 43 пункты мыцця аўтамабіляў, 19 кемпінгаў, 537 пунктаў грамадскага харчавання, 70 станцый тэхнічнага абслугоўвання", - сказаў Сяргей Лявончык.
Паводле яго слоў, у свой час у краіне быў зроблены арыенцір на комплекснае развіццё аб'ектаў прыдарожнага сэрвісу. "Мы пайшлі па нямецкім шляху развіцця аўтабанаў, калі праз кожныя 50-60 км будуецца адзін аб'ект, на якім аказваецца максімальная колькасць паслуг - запраўка аўтамабіля, гасцінічныя паслугі, купля спадарожных тавараў у дарогу", - адзначыў начальнік упраўлення.-0-