Мабільная версія
ДЗЯРЖОРГАНЫ
Апошнія навіны
Усе навіны

У Беларусі і Ізраіля няма сфер, дзе немагчыма супрацоўніцтва - Ландвер

Грамадства 29.06.2016 | 11:11

29 чэрвеня, Мінск /Кар. БЕЛТА/. Беларусь і Ізраіль не маюць закрытых для супрацоўніцтва сфер, заявіла ў эфіры праграмы "Буйным планам" на тэлеканале "Беларусь 1" міністр аліі і абсорбцыі Ізраіля Софа Ландвер, паведамляе БЕЛТА.

На думку ізраільскага міністра, вельмі плённае супрацоўніцтва паміж дзвюма краінамі складваецца ў галіне медыцыны. "У нас развіта медыцына, развіта эканоміка, добра працуюць праграмісты, аднак іх не хапае. Думаю, што ў нашых краін няма сфер, у якіх мы не маглі б супрацоўнічаць", - асабліва падкрэсліла Софа Ландвер.

Нядаўна міністр аліі і абсорбцыі Ізраіля, яна таксама ўзначальвае сумесны камітэт "Ізраіль - Беларусь" па эканамічным і гандлёвым супрацоўніцтве, прысутнічала ў якасці госця на V Усебеларускім народным сходзе ў Мінску. На яе думку, выступленне Прэзідэнта Беларусі Аляксандра Лукашэнкі на буйнейшым форуме было вельмі змястоўным. "Я звярнула ўвагу, што Прэзідэнт сказаў, што ні адна краіна ў свеце не знаходзіцца ў "беспаветранай прасторы". Усё, што адбываецца ў свеце, глабальна адлюстроўваецца на ўсіх сферах жыцця дзяржавы, і ў першую чаргу на эканоміцы. У той момант, калі плануецца жыццё краіны на наступнае пяцігоддзе, асабіста для мяне важна, што кіраўнік дзяржавы звярнуў увагу на дэталі, на якія не заўсёды лідары краін звяртаюць увагу. Гэта асвета, моладзь, сістэма аховы здароўя, сістэма сацыяльнага забеспячэння", - нагадала Софа Ландвер.

Бацькі ізраільскага палітыка з'яўляюцца выхадцамі з Беларусі, таму Софа Ландвер прызналася, што ёй было вельмі прыемна прыехаць сюды і наведаць Усебеларускі народны сход.

Софа Ландвер таксама адказала на пытанне, якое датычыцца пенсійнай рэформы ў Беларусі. Яна расказала, што пенсійны ўзрост для мужчын і жанчын у Ізраілі адрозніваўся ад таго, які быў раней устаноўлены ў Беларусі. Цяпер у яе краіне жанчыны выходзяць на пенсію ў 62 гады, некаторыя ў 64, а мужчыны - у 67 гадоў. "Асабіста мне хацелася б працаваць да таго часу, пакуль я магу тварыць, - сказала міністр. - Калі ты працуеш, калі нешта змяняеш - ты жывеш. На пенсіі ўсё крыху інакш. Я не знаёма з думкай беларускага народа па гэтым пытанні, але асабіста маё меркаванне: пакуль можаш - працуй".-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.