29 жніўня, Мінск /Кар. БЕЛТА/. У Беларусі гэтым летам аздаравіліся больш за 370 тыс. дзяцей, заявіў у прэс-цэнтры БЕЛТА намеснік дырэктара Рэспубліканскага цэнтра па аздараўленні і санаторна-курортным лячэнні насельніцтва Аляксандр Цай.
"Завяшаецца летняя аздараўленчая кампанія 2022 года. У гэтым годзе быў вельмі высокі попыт на дзіцячае аздараўленне. Кампанія прайшла ў планавым парадку. На яе правядзенне дзяржавай было выдзелена больш за Br57 млн сродкаў рэспубліканскага бюджэту. З іх Br55 млн 700 тыс. - на змяншэнне кошту пуцёўкі ў аздараўленчыя, спартыўна-аздараўленчыя лагеры. Br1 млн 100 тыс. - на набыццё пуцёвак для льготных катэгорый дзяцей і Br600 тыс. сродкаў рэспубліканскага бюджэту - на аказанне дапамогі ў падрыхтоўцы аздараўленчых лагераў да работы ў летні перыяд 2022 года", - расказаў Аляксандр Цай.
Паводле яго слоў, усяго гэтым летам аздаравіліся больш за 370 тыс. дзяцей. "З іх 155 тыс. - у лагерах з кругласутачным знаходжаннем, 216 тыс. - з дзённым знаходжаннем. Асаблівая ўвага ў перыяд дзіцячай летняй аздараўленчай кампаніі была ўдзелена дзецям-інвалідам, дзецям-сіротам і дзецям, якія засталіся без апекі бацькоў. Усяго летам аздаравіліся 11,7 тыс. дзяцей-сірот і дзяцей, якія засталіся без апекі бацькоў, 4,8 тыс. дзяцей-інвалідаў. Пры гэтым дзеці-інваліды накіроўваліся ў аздараўленчыя лагеры, у якіх створаны ўсе неабходныя ўмовы па іх медыцынскім суправаджэнні і арганізавана даступнае асяроддзе", - адзначыў намеснік дырэктара.
"У цэлым усе жадаючыя і маючыя патрэбу дзеці забяспечаны якасным і даступным аздараўленнем і адпачынкам у перыяд дзіцячай летняй аздараўленчай кампаніі 2022 года", - канстатаваў Аляксандр Цай.-0-
