26 студзеня, Мінск /Кар. БЕЛТА/. Часам ападкі чакаюцца ў Беларусі 27 студзеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер чакаецца воблачнае з праясненнямі надвор'е. Часам будуць ападкі ў выглядзе снегу, мокрага снегу, дажджу. Месцамі магчымы галалёд, слабы туман. На асобных участках дарог галалёдзіца. Вецер паўднёвы, паўднёва-заходні 4-9 м/с, днём месцамі парывы да 14 м/с.
Тэмпература паветра ноччу складзе мінус 5-11 градусаў, па ўсходзе пры праясненнях - 12-14 градусаў марозу, у заходніх раёнах - ад мінус 4 да 0. Днём тэмпература паветра будзе вагацца ад мінус 4 да плюс 2 градусаў.-0-