ДЗЯРЖОРГАНЫДЗЯРЖОРГАНЫ
Субота, 25 студзеня 2020
Мінск Суцэльная воблачнасць +2°C
Усе навіны
Усе навіны
Грамадства
19 ліпеня 2019, 12:37

У БДПУ на некаторыя спецыяльнасці конкурс дасягае 10 чалавек на месца

Фота з архіва
Фота з архіва

19 ліпеня, Мінск /Кар. БЕЛТА/. У Беларускім дзяржаўным педагагічным універсітэце імя М. Танка конкурс на некаторыя спецыяльнасці дасягае 10 чалавек на месца. Аб гэтым БЕЛТА паведамілі ў прэс-службе ўніверсітэта.

На дзённы бюджэт дакументы падалі 1620 чалавек пры плане набору 850. Сярэдні конкурс па ўніверсітэце - 1,9 чалавека на месца, на некаторых спецыяльнасцях - да 10 чалавек. У прыватнасці, на спецыяльнасць "руская мова і літаратура. Замежная мова" прэтэндуюць 10 чалавек на месца. На спецыяльнасць "Выяўленчае мастацтва і камп'ютарная графіка" - больш за 8.

Трэць з залічаных на дзённую бюджэтную форму навучання складуць медалісты і ўладальнікі дыпломаў сярэдніх спецыяльных навучальных устаноў з адзнакай, а таксама выпускнікі профільных класаў педагагічнай накіраванасці. У БДПУ падалі дакументы 141 медаліст і ўладальнік дыплома ССНУ з адзнакай, якія паступаюць без экзаменаў. Сярод абітурыентаў таксама 135 выпускнікоў профільных класаў педагагічнай накіраванасці, якія скарысталіся правам паступлення па выніках гутаркі. Сярэдні бал атэстата ў выпускнікоў педкласаў - 8,9. Акрамя таго, у БДПУ паступае 231 выпускнік гімназій і ліцэяў.

Чакаецца, што на шэрагу спецыяльнасцей прахадны бал на дзённы бюджэт вырасце ад 10 да 100 пунктаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі