Мабільная версія
ДЗЯРЖОРГАНЫ

Апошнія навіны
Усе навіны

У Акадэміі МУС будуць рыхтаваць спецыялістаў па барацьбе з высокатэхналагічнымі злачынствамі

Грамадства 12.02.2019 | 10:45
Кірыл Вяткін
Кірыл Вяткін

12 лютага, Мінск /Кар. БЕЛТА/. У Акадэміі МУС будуць рыхтаваць спецыялістаў па барацьбе з высокатэхналагічнымі злачынствамі, паведаміў журналістам у прэс-цэнтры БЕЛТА намеснік начальніка ўпраўлення па раскрыцці злачынстваў у сферы высокіх тэхналогій Міністэрства ўнутраных спраў Кірыл Вяткін.

"У верасні 2019 года ў Акадэміі МУС запланавана да ўключэння ў навучальную праграму спецыялізацыя па падрыхтоўцы спецыялістаў у галіне барацьбы з высокатэхналагічнымі злачынствамі. Мы будзем рыхтаваць супрацоўнікаў, якія будуць разумець, што такое кіберзлачынства, як яго выявіць і якія мерапрыемствы неабходна праводзіць, каб устанавіць зламысніка і прыцягнуць яго да ўстаноўленай законам адказнасці", - расказаў Кірыл Вяткін.

Паводле яго слоў, у барацьбе з кіберзлачыннасцю вялікая роля адводзіцца пытанням навучання і саманавучання спецыялістаў у гэтай сферы. "Мы на пастаяннай аснове праводзім розныя вучэбныя зборы. Паколькі супрацоўнікі ў галіне барацьбы з кіберзлачыннасцю павінны акрамя юрыдычнай ацэнкі разумець і прыроду ўчынення таго ці іншага проціпраўнага дзеяння, быць спецыялістамі тэхнічнага ўзроўню. З улікам дзяржаўна-прыватнага партнёрства мы атрымліваем пэўную дапамогу і кансультацыю таксама з боку прафесіяналаў у сферы ІТ", - адзначыў намеснік начальніка ўпраўлення.

Кірыл Вяткін дадаў, што навучанне спецыялістаў у галіне барацьбы з высокатэхналагічнымі злачынствамі арганізавана таксама ў рамках міжнароднага супрацоўніцтва.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.