У АДКБ узрасла інтэнсіўнасць падрыхтоўкі калектыўных сіл з улікам вопыту сучасных канфліктаў

16 снежня, Масква /Эдуард Півавар - БЕЛТА/. У Арганізацыі Дагавора аб калектыўнай бяспецы ўзрасла інтэнсіўнасць падрыхтоўкі калектыўных сіл з улікам вопыту сучасных канфліктаў. Аб гэтым БЕЛТА паведамілі ў прэс-службе АДКБ.

"За тры гады калектыўныя сілы АДКБ правялі 20 сумесных вучэнняў - як камандна-штабных, так і спецыяльных. Сярод ключавых - вучэнні з сіламі аператыўнага рэагавання "Узаемадзеянне", міратворчыя манеўры "Непарушнае братэрства" і аперацыі ў Цэнтральна-Азіяцкім рэгіёне "Рубеж", - адзначылі ў прэс-службе.

Асобна адпрацоўваліся дзеянні спецыяльных фарміраванняў: разведкі ("Пошук"), тылавога забеспячэння ("Эшалон"), радыяцыйнай, хімічнай і біялагічнай абароны ("Бар'ер"), сіл спецназа ("Кобальт"), выратавальных падраздзяленняў ("Скала").

Адначасова актывізавалася аператыўная работа: у рамках аперацыі "Наёмнік" затрымана звыш 2,5 тыс. асоб, якія маюць дачыненне да тэрарызму, а аперацыя "Нелегал" выявіла больш за 257 тыс. парушэнняў міграцыйнага заканадаўства.

"Інтэнсіўнасць падрыхтоўкі сіл АДКБ узрасла з улікам вопыту сучасных канфліктаў і новых выклікаў бяспецы", - падкрэслілі ў прэс-службе.-0-