25 кастрычніка, Мінск /Кар. БЕЛТА/. Уначы і раніцай 25 кастрычніка месцамі па краіне чакаецца туман, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У панядзелак прагназуецца пераменная воблачнасць. Пераважна будзе без ападкаў. Уначы і раніцай месцамі чакаецца туман. Вецер уначы няўстойлівы слабы, удзень - паўднёва-заходні ўмераны.
Тэмпература паветра мінімальная ўначы складзе ад мінус 5 да плюс 1 градуса. Максімальная ўдзень - 6-12 градусаў цяпла.-0-