28 лістапада, Мінск /Кар. БЕЛТА/. Цырымонія развітання з міністрам замежных спраў Беларусі Уладзімірам Макеем адбудзецца ў аўторак, 29 лістапада, у сталічным Доме афіцэраў. Пачатак запланаваны на 10.00. Аб гэтым БЕЛТА паведамілі ў прэс-службе МЗС.
Як паведамлялася БЕЛТА, Уладзімір Макей будзе пахаваны на Усходніх могілках сталіцы.
Прэм'ер-міністр падпісаў распараджэнне "Аб арганізацыі пахавання Міністра замежных спраў Рэспублікі Беларусь Макея У.У.". Згодна з дакументам, створана камісія, куды ўвайшлі прадстаўнікі розных ведамстваў. У прыватнасці, Мінскаму гарвыканкаму даручана арганізаваць пахаванне Уладзіміра Макея на Усходніх могілках.
На Міністэрства абароны ўскладзены абавязак забяспечыць цырымонію развітання ў Цэнтральным Доме афіцэраў.-0-