25 лютага, Мінск /Кар. БЕЛТА/. Інфармацыі аб правакацыях на выбарчых участках у ЦВК не паступала. Аб гэтым заявіла журналістам сакратар Цэнтральнай выбарчай камісіі Алена Балдоўская, перадае карэспандэнт БЕЛТА.
"Інфармацыі аб тым, што ёсць факты парушэння грамадскага парадку або правакацыі на ўчастках, мы не атрымлівалі на бягучы момант", - расказала Алена Балдоўская.
"Участковыя выбарчыя камісіі арыентаваны на арганізацыю працэсу галасавання ў адпаведнасці з патрабаваннямі закону. Арганізавана дзяжурства супрацоўнікаў органаў унутраных спраў. Таму любыя правакацыі, калі яны будуць існаваць, будуць спыняцца для таго, каб працэс галасавання праходзіў дакладна, своечасова, у адпаведнасці з патрабаваннямі заканадаўства", - дапоўніла сакратар ЦВК.-0-
